Indýstrııalyq jobalar baqylaýǵa alyndy

Bıylǵy bes aıdyń áleý­mettik-ekonomıkalyq dam­ý­ kórsetkishteri kóńil toǵaıt­­­qanymen, atqarar jumys az emes. О́tken jyldyń sa­lystyrmaly kezeńinen kórset­­kish­ter joǵary. О́nerkásipte 433,8 mlrd. teńgeniń ónimi óndirildi. ÚIIB boıynsha bıyl 17,5 mlrd. teńgege 13 joba qolǵa alyndy. Elbasy jýyrda óńir­ge jasaǵan jumys saparynda atalǵan baǵdarlama aıasynda jú­zege asyrylǵan jobalardyń keıbiri tolyq qýatyna enbegenin synǵa alǵan bolatyn. Osy rette aımaqtaǵy jumysy aqsap turǵan tórt jobany júzege asyrý barysy qatań baqylaýǵa alyndy. Sonymen qatar, Memleket basshysynyń tapsyrmasy boıynsha, memlekettik baǵdarlamalardy tıimdi paıdalaný sharalary kúsheıtiledi. Bul týraly óńir basshysy Berdibek Saparbaev oblystyq máslıhattyń sessııasynda má­limdedi. Depýtattar aldynda baıandama jasaǵan oblys ákimi aýyl sharýashylyǵynda óndirilgen ónim kóleminiń 53 mlrd. teńgeni qurap, mal basynyń aıtarlyqtaı óskenin, egistik alqabynyń 56 myń gektarǵa artqanyn jetkizdi. Turǵyn úı salasyndaǵy meje 112 paıyzǵa oryndalyp otyr. Jyl sońyna deıin 340 myń sharshy metr bas­pana paıdalanýǵa beriledi. Árıne, syn da bar. Ásirese, jol sapasyna qatysty aıtylyp jatqan synnyń oryndy ekenin jetkizgen aımaq basshysy jol jóndeýge 5 mlrd. teńge bólingenin aıtty. Semeı – Qalbataý, Pav­­­lodar – Semeı, Almaty – О́skemen baǵyttaryndaǵy joldardyń qury­lysy oıdaǵydaı júrip jatyr. О́skemen – Rıdder men О́skemen – Zyrıan baǵyt­taryndaǵy joldar jóndeý jumystaryn qajet etedi. Sessııada, sondaı-aq, Zyrıan, Kýrchatov, Rıd­der jáne Serebrıanka qalala­ryn damytýdyń 2013-2015 jyl­darǵa arnalǵan keshen­di jos­pary, sybaılas jem­qorlyqqa qarsy is-qımyl baǵdar­lama­synyń óńirimizde júzege asyrylý barysy talqylandy. Dýman ANASh, «Egemen Qazaqstan». О́skemen.