Respýblıka jasóspirimderiniń júregine jol tartýdy maqsat etken «Taımas» jýrnalynyń tusaýkeser rásimi «Táýelsizdik» saraıynda ótti. Buǵan deıin otandyq telearnalarda ult mádenıetin dáripteý maqsatynda «О́ner shejiresi», «Qazaqstan bı álemi» baǵdarlamalarymen el yqylasyna bólenip júrgen «J-Group Production» ujymy «Taımas» jýrnaly arqyly talaı qazaq balasynyń talǵamy men tanymyn ózgertkisi keledi. Búgingi urpaqqa kóneden kele jatqan sarqylmaıtyn qundylyqtarymyzdy zamanaýı tilde jetkizip, jýrnaldyń qyzyqty aıdarlarymen oı bólisýge shaqyrady.
О́z sózinde jýrnaldyń maqsat-múddesimen tolyqtaı tanystyra ketken «J-Group Production» qoǵamdyq qorynyń tóraıymy Ana Shakerhan basylym bolashaǵynan úlken úmit kútetinin aıtty. Igi isterdiń janynda júretin Senat depýtaty Svetlana Jalmaǵanbetova jastardyń jýrnal betinde oı bólisýi, erteńge degen nyq senimi súısindiredi, – dedi.
Jýrnaldyń qolǵa tıgen alǵashqy sanynan-aq jańa lep, tyń ıdeıalardyń ushqyny qylań beredi. Jansaıa Ábdimálik, Asylhan Tólepov syndy jas daryndardyń syr-suhbaty, Astana týraly qysqa da nusqa derekter, tanym kókjıegin keńeıter álem mádenıeti týraly dúnıeler oqyrman nazarynan tys qala qoımaıdy. Elordamyzda alǵash ret jaryq kórgen ǵylymı-tanymdyq jasóspirimder jýrnalyna jýrnalıster qaýymy tuǵyrynan taımasyn degen tilekterin aıtyp tarasty.
Dınara MÁLIKOVA.