AQTAÝ. 11 shilde. Mańǵystaý oblystyq ishki ister departementi Aqtaý qalalyq ishki ister bóliminiń tergeýshisi para aldy degen kúdikpen qamaýǵa alyndy. Bul týraly egemen.kz tilshisi habarlady.
Naqtyraq aıtsaq, 2014 jyldyń 6 shildesinde Mańǵystaý oblysy boıynsha qarjy polısııasynyń qyzmetkerleri oblystyq ishki ister departementi Aqtaý qalalyq ishki ister bóliminiń tergeýshisi N.Ýrazbaevty ustady. Ol K. degen azamatqa qatysty qylmystyq qýdalaýdy toqtatý jáne onyń jeke kýáligi men júrgizýshilik kýáligin qaıtaryp berýi úshin baǵasy 160 000 teńge bolatyn iPhon 5 S markaly uıaly telefonyn jáne 85 000 teńge para aldy dep aıyptalýda.
Shymkent qalasyna ushpaq bolǵan sátinde áýejaıda qolǵa túsken Ýrazbaevqa qatysty sol kúni-aq para alý faktisi boıynsha qylmystyq is qozǵaldy. Al eki kúnnen soń, tergeýshi Nurzat Ýrazbaev sot sanksııasymen qamaýǵa alyndy.
Qarjy polısııasy baspasóz qyzmetiniń habarlaýynsha, qazir qylmystyq is boıynsha tergeý júrýde.
Gúlaıym Shyntemirqyzy.
Derekkóz: egemen.kz.
Foto: mgorod.kz.