Fýtboldan Italııa chempıonatynyń 33-týr oıyndarynan keıin «Napolı» klýby 33 jylǵy úzilisten soń úshinshi márte «A» serııasynyń jeńimpazy atandy. Atalǵan komanda buǵan deıin de eki márte chempıon atanǵan bolatyn.
33-týrdyń ortalyq oıynynda «Napolı» syrt alańda jergilikti «Ýdıneze» klýbymen teń oınap (1:1), Italııa «A» serııasynda merziminen buryn chempıon atandy. Týrnır kestesinde ekinshi orynda kele jatqan «Lasıo» (64) qalǵan bes týrdyń barlyǵynda jeńiske jetse de, endi «Napolıge» jete almaıdy.
Osylaısha, neapoldyqtar 33 jyldyq úzilisten keıin alǵash ret Italııa chempıondyǵyna qol jetkizip otyr. Bul – olardyń úshinshi skýdettosy. «Napolı» buǵan deıin 1987 jáne 1990 jyldary fýtbol ańyzy Dıego Maradonanyń kezeńinde bas júldeni ıelengen bolatyn. Bir aıta keterligi, «Napolıdiń» 64 jastaǵy bas jattyqtyrýshysy Lýchano Spalettı bapkerlik karerasynda alǵash ret Italııa chempıony atandy.