Oqyrman nazaryna maıdannan kelgen hattar legin usynamyz.
Amandyq hat
Qurmetti jaqsy kóretin bapa! Dáýitten saǵynyshty sálem! Qalaı, aman-saý júrsiz be? Úı ishi tegis aman ba? Saqyp, Klara, Kúlshıra, Rahmetolla aman ba? Táteme hat jazǵanmyn, alǵan shyǵar. Úı ishi aman ba? Tátem aýrý-syrqaýdan aman ba? Apam aman ba? Zeıke, Ǵalııa, Mara, Baqyt aman ba? Bekqoja, Dúısen, Marǵýash, Qabyken, Majı úıleri aman ba? Al, bapa, meni suraǵan úlken-kishige tegis sálem aıt. Al menen amandyq surasańyz: Qamze, Álippen birgemiz. Týra «toıǵa» attandyq. Úıge ádeıi hat jazǵanmyn Qorǵannan. Myna hatty 19 mamyrda Sverdlovtan jazyp otyrmyn. Jaýdy jermen-jeksen etip qaıtamyz degen talappen kelemiz. Al, bapataıym, Erkin, Kámásh dalada qalmasyn. Reti kelse Zulqızany kóshirip alyńdar. Erkinge hat jazǵam joq. Amandyqty Zeıkege tolyq túsindirip jazarmyn. Suraǵan janǵa menen sálem aıt. Aman kórisýge jazsyn! Zeıke, tátem men apamdy renjitpe, tátemdi aıa. Meni oılap júrmesin. Kóppen, halyqpen kórgen «uly toıǵa» kettim, tegis sálem aıt. Qosh bol!
Jazǵan – Dáýit. 19 mamyr, 1942 jyl. Sverdlovsk qalasynan. Ornyqqan jerde taǵy jazamyn...
...Anajan, meni oılap bolma alań,Jan tiri, den saý bop júrsem eger aman,Amandyq jaıdy aıtyp hatqa salam. El-jurtym, jazǵan hatym saǵynǵan soń, Moıynǵa qarý-jaraq taǵynǵan soń,Usharǵa qanatym joq, ne qylaıyn?Armııa temir tártip baǵynǵan soń....Rıza bop, aq sútińe apataıym, Qıyn is, jumys emes, qarapaıym.El-jurtym osy halde, dýada bol, Súrinip aıaq ketse, jazataıym...
Músirkep Júnisov. 1943 jyl.
Maıdannan hat
Marııa!Búgingi aıly jaryq tún, jymyń qaǵyp, áserin aımaqqa shashyp tur. Mundaı túnder maıdan ómirinde sırek kezdesetin tún. Bundaı ásemdi, qońyr jeldi túnde dúnıeniń bári de óziniń qalpynan anaǵurlym ásem kórinedi. Al ózińdi kúndegiden ózgerip ketkendeı sezinesiń, uıqyń kelmeıdi. Iа jeńis kúnderiniń birtindep taıanyp kele jatqany ma, bolmasa oıyńa ómirdiń qyzyǵyna qolym qashan jetedi degen yzyń-yzyń oılardyń túıdektelip kelip jatqany ma, áıteýir uıqym keletin emes.
Mine, men osy jaǵdaıdyń ústinde otyrmyn, uıqynyń kelýin osy kishkene hatty saǵan jazýmen tospaqshymyn.
Árıne, bul ómir súrýdiń haty, jastardy óz maqsattaryna jetkizýdiń haty. Bizder sııaqtylardyń oı-uıqysyn bóletin hat.
Al, Marııash! Men uıyqtadym. Bul uıqy men úshin óte tátti jáne baǵaly, óıtkeni onyń aldynda osy hatty saǵan jazdym. Qazir de men ózińmen birge otyrǵandaımyn. Osynyń beınesin tirshilik bolsa ózińmen bir kúni tolyq sýrettermin.
Úı-ishińe sálem jolda! Hat jazyp tur.
Biz áli ómirden alatyn enshimizdi alǵan joqpyz. Ony alatyn kún alda jatyr. Osyny esińe saqta.
Syzdyqbekov A.5 shilde 1944 jyl