Inflıasııany esepteý quraldary tolyqty

Qazir tirkeýshi mamandar tekseriletin obektilerdegi taýarlar men qyzmetterdiń baǵasy boıynsha derekterdi qaǵaz jýrnalǵa jazbasha engizip júr. Olar aı sa­ıyn shamamen 500-den as­tam taýardyń baǵasyn ba­qylaıdy. Al statıstıkany jańasha qalyppen túzý jedeldikti qamtamasyz et­pek. Ulttyq statıstıka bıýrosynyń basshysy Jan­­dos Shaımardanovtyń sózinshe, mobıldi qo­sym­sha shyǵyndardy ońtaı­landyrýǵa jáne derekter sapasyn arttyrýǵa jol ashady.

«Biz tanystyryp otyr­ǵan qosymsha baǵany tirkep qana qoımaı, ónimniń shtrıh-kodyn skanerlep, tipti onyń sýretin de túsirýge múmkindik beredi. Sondaı-aq obektiniń orna­lasqan jerin rastap, derekterdi onlaın tártipte jedel jiberedi. Qosymsha jumys tártibin jeńildetip, derekterdi óńdeý merzimin qysqartýǵa múmkindik beredi», deıdi.

Búginde bıýroǵa pılot­tyq tártipte apta saıyn fıskaldyq operatorlardan satyp alynǵan taýarlar men qyzmetter boıynsha shamamen 100 mln jazba kelip túsedi eken. Onyń ishinen taýar pozısııalarynyń 53 túri bo­ıynsha shamamen 10 mln jazba taldanady. Onda barlyǵy 12 myńnan astam baqylaý-kassalyq mashınasynyń derekteri eskeriledi. Demek, jańa­shyldyq taýarlar men qyz­metterdiń baǵasyn taldaý múmkindikterin keńeıtip otyr. 

«Derekterdi jınaý ádisteriniń dáldigi men senimdiligin únemi artty­rýǵa tyrysamyz. Eń mańyz­dy mindetterdiń biri – fıskaldyq chekter sııaqty balama kózderdi paıdalaný. Bul ádisti Belgııa, Shvesııa, Shveısarııa jáne basqa da Eýropa elderi qol­danady. Biz de osy joba­ny iske asyrýǵa kiri­sip, Halyqaralyq valıýta qorynyń sarapshylaryn jumysqa tarttyq. Máli­metterdi esepteý úshin fıs­kaldyq aqparat Qarjy mınıstrliginde jınalady, sodan keıin ázirlenip jatqan katalogke sáıkes suryptalyp jikteledi. Sáı­ke­sinshe, chekterdegi taýar­lar tiziminen tuty­ný­shy qorjynynyń qu­ry­ly­m­yndaǵy ónim­der­di ajyratyp alý ońtaılandyrylady», deıdi Ulttyq statıstıka bıýrosy baǵa departamentiniń dırektory Qýanyshbek Jaqypbekuly.