Serik Zaısanuly Taıboǵarov – Katonqaraǵaı aýdanyndaǵy Úlken Naryn aýylynyń azamaty. Jastaıynan bilimge qushtar bolǵan talantty jas izdendi, jańalyqqa den qoıdy. Pedagogıka ǵylymdarynyń kandıdaty, professor atandy. Qyzmeti ósip, Sársen Amanjolov atyndaǵy Shyǵys Qazaqstan memlekettik ýnıversıtetiniń prorektory, joǵary kolledjiniń dırektory qyzmetterin atqardy.
О́ziniń qysqa ǵumyrynda 100-den astam ǵylymı eńbek jazdy. Átteń! Bir kem dúnıe. Qashanda izdenisten jalyqpaıtyn azamat Astanaǵa doktorlyq dıssertasııasyn qorǵaýǵa attanyp bara jatqanda jol-kólik apatynan kóz jumdy. Budan 16 jyl buryn qaza tapqan azamat tiri bolǵanda dál búgin týystary men dostary Serik Zaısanulynyń 60 jasqa tolǵan mereıtoıyn atap óter edi.
Dostary, sonaý Aqtaýdan at shaldyryp kelgen Toqtamys Jumaǵulov, Serik Aqtanov basqaratyn oblystyq federasııa, týystary Serik Zaısanulynyń mereıtoıyna oraı bılıardtan eske alý týrnırin ótkizdi. Ony Shyǵys Qazaqstan oblystyq bılıard sporty federasııasynyń prezıdenti Serik Aqtanov ashyp, azamattyń buqaralyq sportty damytýǵa kezinde mol úles qosqanyn, óńirde bılıard sportynyń keń qanat jaıǵany jaıly aıtty.
Týrnır tartysty ótti. Eńbek ardageri Erkinbek Shombınov, birneshe týrnırde bas báıge alǵan Almas Ýálıev, Nurjan Jıenbaev, taǵy basqalar jeńimpazdy anyqtady. Nátıjesinde, Qaırat Ádilbekov, Nurjan Jıenbaev, Manar Bıborınov júldeli oryndardy ózara bólisti. Serik Zaısanulynyń jan dosy Toqtamys Jumaǵulov týrnırge qatysýshylarǵa rızashylyǵyn bildirdi. Al federasııa basshysy Serik Aqtanov qatysýshylarǵa estelik gramotalar tapsyrdy.
Ońdasyn ELÝBAI,
jýrnalıst
О́SKEMEN