Bıyl kóktemge qaraı otandyq bankterdegi jeke tulǵalardyń depozıtteri 16,7 trln teńgeni qurady. Jyl basynan beri kórsetkish 1,2%, bir aıda 0,4%-ǵa tómendedi (kórsetkishterdiń tómendeýi qatarynan ekinshi aıǵa sozyldy).
Jalpy, quldyraý aıasynda keıbir ekinshi deńgeıli bankter oń úrdisti saqtap qaldy. Atap aıtqanda, jyl basynan beri Bereke Bank halyq depozıtteri portfeliniń ósimi boıynsha kóshbasshy boldy: birden 7,9%-ǵa kóbeıip, 2023 jyldyń 1 naýryzyna deıin 222 mlrd teńgege jetti. Bir aıda qarjy ınstıtýty portfeli 3,4%-ǵa ulǵaıdy. Eske salaıyq, bıyl kóktemde bul otandyq bank jeke tulǵalardyń depozıtine qatysty birqatar aksııany iske qosty. Mysaly, qazir 30 sáýirge deıingi «Senim» depozıti boıynsha naýqan aıasynda 17,7%-ǵa deıin rekordtyq JTSM usynylady.
Jyl basynan beri depozıtterdiń ósimi boıynsha ekinshi orynda – «Frıdom Fınans Qazaqstan banki». Ondaǵy salymdar 5,9%-ǵa kóbeıip, 327,7 mlrd teńge jetken. Bir aıda 0,2%-dy quraǵan.
Jyl basynan beri taǵy 6 ekinshi deńgeıli bank ósim kórsetti: VTB banki (5,7%), Home Credit Bank (4,7%), «Otbasy banki» (4%), Al Hilal ıslam banki (3,4%), «Qazaqstandaǵy Qytaı banki» (2,8%) jáne Qytaı Saýda ónerkásip banki (0,1%). Alaıda aqpan aıynda bulardyń arasynda 2 banktiń – Al Hilal ıslam banki men Qytaı Saýda ónerkásip bankiniń kórsetkishi tómendegen.
Atalǵan barlyq qarjy ınstıtýttarynyń ishinde Al Hilal ıslam banki de, qytaılyq eki bank te, VTB banki de bizdiń eldegi halyqpen jumys isteıtin negizgi EDB bolyp sanalmaıdy. Bul bankterdiń árqaısysynyń úlesi bólshek depozıtter naryǵynyń 0,1%-nan aspaıdy.
Shyndyǵynda, Qazaqstandaǵy halyqqa depozıt ustanatyn iri bankterdiń ishinde tek Bereke Bank, «Frıdom Fınans Qazaqstan banki», Home Credit Bank jáne «Otbasy banki» jyl basynan beri jáne bir aıda oń kórsetkish kórsetti.
Jyl basynan beri 21 ekinshi deńgeıli banktiń 13-i, al aı qorytyndysy boıynsha 11-niń kórsetkishi tómendedi.