Aqparattar aǵyny

*Keshe erteńgisin Más­keý metrosynda tótenshe oqıǵa oryn aldy. Ázirshe bel­gisiz sebep boıynsha vagon­dar relsten shyǵyp ket­ti. Opat bolǵandar sany 19 adam delinip otyr. 161 adam ja­ralanǵan. Onyń 118-i aý­rý­hanalarǵa jatqy­zy­lypty. *Izraıl úkimeti My­syr­dyń bastamasy boıynsha Gaza sektorynda oq atýdy toq­tatýǵa kelisimin berdi. Biraq buǵan HAMAS kóner emes. Bul uıym ózi tarapynan Izraılge birneshe qarsy talap qoıdy. *BUU Qaýipsizdik Ke­ńesi Sırııadaǵy muqtajdarǵa janjaldasýshy taraptar ara­syndaǵy maıdan jelisi arqy­ly kómek jetkizýge múm­kindik beretin qarardy biraýyz­dan qabyldady. Sheka­ra men maıdan shebiniń ashy­lý merzimi 180 kún dep belgilengen. Qajet dep tabylsa, ony uzartýǵa da bolady. *Reseı prezıdenti Vla­dımır Pýtın BRIKS (Bra­zılııa, Reseı, Úndistan, Qy­taı jáne Ońtústik Afrıka Res­pýblıkasy) elderin AQSh jáne onyń odaqtastarymen kelis­peıtin memleketterge aıdap salý áreketterine qarsy turýǵa shaqyrdy. *BUU Bas hatshysy Pan Gı Mýn óziniń Sırııa boı­yn­sha arnaıy elshisi etip ıta­lııalyq dıplomat Staffan de Mıstýrýdy taǵaıyndady. Bas hatshy mundaı sheshimge birqatar konsýltasııalar ótkizgennen keıin kelgen. nUlybrıtanııa úki­me­tiniń basshysy Devıd Keme­ron otstavkaǵa ketken úki­met músheleriniń ornyna jańa­laryn taǵaıyndady. Qorǵanys mınıstri oryntaǵyna Maıkl Fellon, al syrtqy ister mı­nıstri oryntaǵyna Fılıp Hem­mond otyratyn boldy. *Shengen kelisimine múshe elder taıaýdaǵy jyldary shekarada 15 kúnge deıingi qysqa merzimdi vızalar berýdi josparlap otyr. Vızalardyń bul jańa túri «týrne-vıza» dep atalmaq. «Turaqty saıahatshylar» kategorııasyna ıeler 3-5 jylǵa arnalǵan kóp dúrkin vızalar alatyn bolady. *AQSh áskerı-teńiz kúsh­teriniń «Vella Galf» zymy­randyq kreıseri Qara teńizdi tastap shyǵyp, Jerorta teńizi aýmaǵyna endi. Atalǵan korabl «Brız-2014» dep atalǵan NATO-Bolgarııa birlesken áskerı-teńiz jattyǵýlaryna qatysqan bolatyn. *Japonııanyń sol­tústik-shyǵysyndaǵy Honsıý ara­lynda magnıtýdasy (jer astyndaǵy dúmpý) 6,8 bal­dyq jer silkinisi tirkeldi. Áýel­de sýnamı qateri týraly ja­rııalanǵanymen, ol úlken qaýip tóndire qoıǵan joq. Aqparat agenttikteriniń materıaldary boıynsha daıyndaldy.