Shyǵys óńirinde sońǵy kúnderi aýa raıy qubylyp tur. Osydan úsh kún buryn soqqan daýyl biraz aǵashtardy syndyryp ketken edi. Tipti, tótenshe jaǵdaı qyzmetkerleri qatty jelden qulaǵan aǵashtardyń úılerdiń shatyry men kóshedegi kólikterge de zaqym keltirgenin habarlaǵan bolatyn.
Endi mine, tymyrsyqtyń betin qaıtaraıyn dedi me, tús áletinen beri túksıip turǵan qarakóleńke bulttyń sońynan, saǵat 15.10-da satyrlatyp burshaq jaýyp qoıa bergeni. Jáne qandaı burshaq deısiz ǵoı?.. Barmaq basyndaı! Bar-joǵy eki mınýt ishinde jer tabany appaq, móldir, badana burshaqtarǵa kómkerilip qaldy. 25-30 gradýs jylylyqty kórsetip turǵan О́skemenniń kóshesine mundaı burshaq jaýsa, dala tósine judyryqtaı bolyp túsken shyǵar deıdi ishki oıymyz.
Burshaqtan soń shaıdaı ashylǵan kún jaryqtyq álginde ǵana kúlli qala turǵyndaryn kóshege shyǵaryp qyzyqtatqan móldir monshaqtaryn jınap alǵandaı... Badana burshaqtar 10 mınýttyń ishinde erip ketti. Jazdyń týra orta sheninde, 15 shildede muz qursaýly jaýyn túsedi dep kim oılaǵan. Tabıǵattyń tosyn minezi degen osy!
Dýman ANASh,
«Egemen Qazaqstan».
О́SKEMEN.