Halyqaralyq otbasy kúnine oraı Syr óńirinde túrli baǵyttaǵy 25 is-shara ótkizildi. Dál osy kúni «Mereıli otbasy» respýblıkalyq baıqaýynyń I kezeńine qujat qabyldaý bastaldy. Jalpy, osy baıqaý uıymdastyryla bastaǵannan beri oǵan óńirden 1900-ge jýyq úıelmen, ıaǵnı otbasy qatysypty.
Ataýly kúnge oraı jýrnalıstermen júzdesken oblys ákimi apparatynyń basshysy Shahmardan Baımanov óńirdegi otbasy ınstıtýtyn nyǵaıtý, qundylyǵyn dáripteý qadamdary jaıly aıtyp ótti.
«Osy jyly qalada kásipkerler kómegimen salynyp jatqan 1,5 mlrd teńgelik «Anaǵa taǵzym» ortalyǵy ashylady. Shańyraq birligin bıik ustap, otbasylyq tálim-tárbıeniń mańyzyn nasıhattaıtyn ortalyqta túrli klýbtar jumys jasamaq. Osy jyly oblys ákiminiń bastamasymen arnaıy qabyldanǵan «Syr jastary» baǵdarlamasy aıasynda alǵash ret 100-den astam jas otbasyna jeńildetilgen ıpotekalyq nesıe berý úshin jergilikti bıýdjetten 1,2 mlrd, «Otbasy banki» arqyly 500 mln, barlyǵy 1,7 mlrd teńge qarajat bólindi», dedi Shahmardan Asqaruly.
Ataýly kúnge arnalǵan sharalardyń biri oblystyq qoǵamdyq damý basqarmasynyń uıymdastyrýymen Jastar resýrstyq ortalyǵynda ótken «Zııatker otbasy» otbasylyq ıntellektýaldy saıysy ótti. Saıysta oblystyq qoǵamdyq damý basqarmasynyń basshysy Almasbek Esmahanov qatysýshylardy merekemen quttyqtap, lebizin bildirdi.
Saıysty aımaqtaǵy kitapqumar jastardyń basyn qosqan klýb jetekshisi Talǵat Meńdibaev júrgizip, bes kezeń boıynsha jeti otbasy bilim-bilikterin kórsetti.
Zııatkerler baıqaýynda úzdik oıyn órnegin kórsetken Baıulovtar otbasy qazylar sheshimimen birinshi orynǵa kóterildi. Ekinshi oryn Ospanovtarǵa buıyrsa, úshinshi oryndy Baıjigitovter shańyraǵy ıelendi.
О́zge qatysýshylar «Kóńildi otbasy», «Shyǵarmashyl otbasy», «Kreatıvti otbasy» jáne «Daryndy otbasy» atalymdaryn ıelenip, olarǵa dıplom men baǵaly syılyqtar tabystaldy.
Qyzylorda