Tamaqtanýdyń da tártibi bar

Almaty qalasyndaǵy bi­lim berýdegi jańa tehnologııalar ǵylymı-ádistemelik ortalyǵynyń bólim basshysy Tatıana Ejovanyń aıtýynsha, «Salamatty tamaqtaný mektebi» baǵdarlamasy 2013 jyly bastalǵan. 10 jyl ishind­e pedagogterdiń jáne ata-ana­lardyń kúshimen birshama is tyndyrylǵan. Máselen, byl­tyr baǵdarlama aıasynda muǵalimge arnalǵan ádistemelik quraldan, jumys paraqtarynan jáne oqýshylarǵa arnalǵan prezentasııalardan turatyn jańa sıfrlyq kýrs quryldy. Ol saraptamadan sátti ótip, jańa oqý jylynda iske qosylady. Atalǵan kýrs Astana men Al­matynyń ǵana emes, elimizdiń barlyq óńiriniń pedagogteri úshin qoljetimdi bolady.

Astana qalasyndaǵy ádis­temelik ortalyqtyń basshysy Syndar Dáýeshovanyń aıtýynsha, deni saý oqýshyny tárbıeleý – jalpyǵa ortaq ári keshendi másele. «Sondyqtan bastaýysh synyptarda durys tamaqtanýdyń mańyzy týraly bilim men ıdeıalardy júıeli túrde alýy úshin oqý-tárbıe úderisin qurý mańyzdy. Bul baǵyttaǵy tıimdi quraldyń biri – «Salamatty tamaqtaný mek­tebi» baǵdarlamasy. Ol bas­taýysh synyp oqýshylary­na arnalǵan. О́ıtkeni dál osy jasta minez-qulyqtyń barlyq nor­masy, kún tártibi men tamaqtaný tártibi belgilenedi», deıdi S.Dáýeshova.

Pedagogıka ǵylymdarynyń kandıdaty Aleksandra Ma­keevanyń aıtýynsha, qoǵamda densaýlyq mádenıetin ilge­riletý arnaıy aǵartý ju­my­syn­syz múmkin emes. О́ıt­keni paıdaly ádetterdiń qalyp­tasýy neǵurlym erte bastalsa, nátıje de soǵurlym tıimdi bolady.

Eske sala keteıik, «Sala­mat­­ty tamaqtaný mek­tebi» baǵdar­lamasy «Nestle. Deni saý balalar» jahandyq bas­ta­masy aıasynda júzege asyrylyp keledi. Onyń maqsaty – 2030 jylǵa qaraı dúnıe júzindegi 50 mıllıon balaǵa salamatty ómir saltyn ustanýǵa kómek­tesý. «Salamatty tamaq­taný mektebi» 2013 jyldan bastap Astana men Almaty mektep­terinde jumys istep ke­le­di. Baǵdarlama 6-8 jastaǵy bala­larǵa baǵyttalǵan ári muǵa­limder ótkizetin sabaq­tar júıesi arqyly júzege asyryla­dy. Ol Qazaq tamaqtaný akademııasymen jáne «О́rleý» ortalyǵymen birlesip ázirlen­gen. Osy kúnge deıin 60 myń­ǵa jýyq bala «Salamatty tamaq­taný mektebimen» tanys­qan.