Salaǵa serpin beretin kelisim

Kezdesý barysynda fılıal dırektory Baqyt Zlobın qo­naqtardy jumys barysymen tanystyryp, yntymaqtastyqtyń baǵyttaryn belgiledi. Odan keıin óńirlik týrızm basqarmasy bas­shysynyń mindetin atqarýshy Azamat Muhametkamov oblys­taǵy týrızmniń damýy týraly aq­pa­ratpen bólisip, yntymaqtas­tyqtyń tıimdiligine toqtaldy.

Sapardyń negizgi maqsaty – halyqaralyq yntymaqtastyq máselelerin talqylaý jáne kadrlardy daıarlaý, biliktilikti arttyrý salasynda tájirıbe almasý. Bul rette kadr máselesi –ózek­ti taqyryptardyń biri.

Nankın týrızm jáne qonaq­jaılylyq ınstıtýty – Szıansý pro­vınsııasynda ornalasqan Qy­taıdaǵy biregeı joǵary ká­siptik bilim berý mekemesi. Ins­tıtýtta mádenıet pen týrıs­tik ındýs­­trııamen tyǵyz baılanys­ty 26 mamandyq bar. Qytaı delegasııasynyń basshysy, Nan­kın ınstıtýtynyń vıse-rektory, professor Hýan Bın ıns­tıtýt týraly aıtyp, týrızm sa­­la­syna kadrlardy daıarlaý ba­ǵy­tynda atqarylyp jatqan ju­mys­tarǵa toqtaldy.

Týrızm salasynda Jetisý oblysynyń keń áleýeti bar ekeni belgili, sol sebepti osy ıns­­­tı­týtpen yntymaqtastyq tý­rıs­tik salada kásiptik bilim berýdi damytý sheńberinde, son­daı-aq aka­demııalyq almasýlar men jat­tyqtyrýshylar daıar­laý salasynda kúsh-jigerdi sho­ǵyrlandyrýǵa múmkindik beredi.

Sapar barysynda Prezıdent janyndaǵy memlekettik basqarý akademııasynyń Jetisý oblysy boıynsha fılıaly men Nankın týrızm jáne qonaqjaılylyq ıns­tıtýty arasynda ózara tú­si­nistik týraly memorandýmǵa qol qo­ıyldy. Sonymen qatar delegasııa­ny oblys ákiminiń orynbasary Rýstam Álı qabyldap, qonaq­tardyń nazaryn Jetisý óńiriniń ereksheligine aýdardy. Sondaı-aq taraptar arasyndaǵy tyǵyz yntymaqtastyqty nyǵaı­tý­da oblys ákimdiginiń qoldaýyn bil­dirdi.

Sapar aıasynda Nankın ıns­tıtýtynyń ókilderi men QMÝ «Qoǵamdyq kelisim» aımaqtyq qytaı etnomádenı ortalyǵynyń qyzmetkerleri arasynda kezdesý uıymdastyrylyp, Visit Jetisý ortalyǵynyń qyzmetkerleri ekskýrsııa júrgizdi.

Qytaı delegasııasynyń sa­parynyń ózektiligin jaqynda Sıan qalasynda ótken «Ortalyq Azııa + Qytaı» sammıtiniń qar­sańynda atap ótken jón.

Jetisý oblysy