Bolgarııanyń Varna qalasynda ótken sporttyq gımnastıkadan «Challenge Cup» sanatyndaǵy Álem kýboginiń alǵashqy kezeńinde otandasymyz Emıl Ahmedjanov qola júldeger atandy.
Sportty damytý dıreksııasynyń málimetinshe, Ahmedjanov erkin jattyǵýda 13,800 upaı jınap, júldegerler qatarynan kórindi. Bul saıysta bolgarııalyq gımnast Eddı Penevtiń (14,366 upaı) baǵy jansa, kúmis júlde majarstandyq Botond Molnarǵa (13,833 ball) buıyrdy. Al Tokıo Olımpıadasynyń qola júldegeri, byltyrǵy álem chempıonatynyń jeńimpazy Artýr Davtıan júldesiz qalyp, 6-satydan kórindi.
Jalpy, bul jarysta 24 elden 150 sportshy baq synaǵan bolatyn. Álem kýboginiń kelesi kezeńi 1-4 maýsym kúnderi Izraılde ótedi.