Astanada ótip jatqan forýmnyń álemdik mán-mańyzy erekshe. Beıbitshilik pen qaýipsizdikti qamtamasyz etý baǵytyndaǵy ashyq áńgime alańy daǵdarystardy eńserý úshin búkil álemniń kúshin biriktirip otyr.
Osy turǵyda Ekonomıkalyq jáne áleýmettik keńestiń negizgi maqsaty – barlyq elderde «qýatty, ınnovasııalyq jáne naqtyly iske asyrylatyn saıası basshylyqty» qamtamasyz etý ekenin basa aıtqym keledi. Álemniń túkpir-túkpirinen kelgen dıplomattar, BUU ókilderi men sarapshylar genosıd, etnostyq tazartý, áskerı qylmystar men adamzatqa qarsy qylmystardyń aldyn alý sharalaryn jan-jaqty talqylady. Genosıd belgili bir ultqa, násilge nemese dinge jatatyn adamdar tobyna qarsy baǵyttalǵan áreketterdi bildiredi. BUU jahandyq daǵdarystar, sonyń ishinde qaqtyǵystar men azyq-túlik pen energııa baǵasynyń ósýi aıasynda mundaı qatygezdiktiń qaýpi arta tústi dep biledi.
Jaǵdaıdy COVID-19 pandemııasynyń saldary jáne klımattyń ózgerýi qıyndatyp jiberdi. Osy turǵyda búkil adamzatqa ortaq negizgi quqyqtar men bostandyqtardy qorǵaýdyń róli erekshe. Olardy júıeli júzege asyrý úshin halyqaralyq únqatysýdy kúsheıtip, osyndaı ózara tıimdi forýmdardy jıi ótkizip turý kerek.
Lachezara STOEVA,
Bolgarııanyń BUU janyndaǵy Turaqty ókili, BUU Ekonomıkalyq jáne áleýmettik keńesiniń tóraǵasy