Keıde kitap múlde bólek álem sekildi, keıde ómirdiń dál kóshirmesi sııaqty. Myna álemde kitaptan kóp nárse joq shyǵar. Kitaptan túıer oı da kóp. Bir kitapty oqyp bolǵan soń avtor men oqýshynyń oıynan taǵy bir jańa oı týady. Oralhan Bókeıdiń «Qasqyr ulyǵan túnde» týyndysyn oqyǵan oqyrmandardyń oıyn usynamyz. Oqyrmannyń oıy sizge de oı salar. Al eger shyǵarmany oqymaǵan bolsańyz, oqýǵa yntańyzdy oıatar.
Bul kitapty alǵash oqyǵan adam jigit pen qyzdyń mólt etken sezimi men ókinishin ǵana sezinýi múmkin. Asylynda, áste olaı emes. Bul shyǵarmada kúlli dúnıeni bir-aq aýyz sózben búkteı salatyn alpaýyt oı jatyr. «Qasqyr ulyǵan túnde» - qyz balanyń qyldan názik taǵdyry, qorǵansyzdyń qorqynyshy, óksigi mol ókinish. Kúlli bulaq, darııalardyń bir muhabqa toǵysatyny sekildi Oralhan Bókeı adamzattyń alyp problemasyn bir ǵana kitapqa jasyrǵanyna tańdanasyń, tańǵalasyń...
Abzal Maqash, Qaraǵandy
Qoryta aıtatyn bolsaq, ómirde ne kútip turǵanyn eshkim bilmeıdi. Biraq bári ózimizge baılanysty, ıaǵnı sońǵy sheshimdi biz ózimiz qabyldaımyz. О́mir jolymyzdy ózimiz tańdaımyz. О́mir jolynda bizge túrli múmkindik beriledi jáne sol múmkindikti eshkimniń oıyna qaramaı paıdalanýymyz, joǵaltyp almaýymyz kerek.
Aqmaral Jarbosımova, Astana
Shyǵarma shaǵyn bolsa da ómirdegi bar shyndyqty, qoǵamdaǵy barsha kórinisti aldymyzǵa jaıyp salǵandaı. Súreńsiz qoǵam men qorǵansyz adam jany. Úmit pen qatygezdiktiń aıqasy. Bul shyǵarmadan túsingenim, pende ómirinde ne bolmasyn úmiti úzilmeıdi eken. Buǵan dálel - Araıdyń jaqqan shyrpysy men qasqyrmen qar ústindegi aıqasy.
Nurdına Amangeldi, Astana
Oralhan Bókeı «Qasqyr ulyǵan túnde» áńgimesi arqyly qoǵamnyń nebir máselelerin qozǵaı otyryp, barlyǵyna da tek ózimiz bastaýshy da, arbaýshy da bola alatynymyzdy jetkizdi. Barlyq jarqyraǵan keremetke qol sozyp alǵymyz keledi. Biraq onyń kóleńkesinde jatqandardyń taǵdyry ne bolmaq?! 1. Qoǵamda ómir súrgen soń, árbir jaıtqa árqaısymyzdyń qatysymyz bar, biraq tańdaý óz erkińde. 2. Sulýlyqty kórýge sulý jan kerek. 3. Meni men menikiniń aıyrylǵan óldi dep at qoıypty óńkeı bilmes. (Abaı)
Aıdana Serikbaı, Taraz
Belgili bir problemaǵa tek bir adam nemese bir zat kináli bolmaıdy. Oǵan túgel qoǵam, júıe, onyń aınalasyndaǵy adamdar kináli. Bir shette kinásiz adam qalyp qoımaıdy. О́ıtkeni qoǵamdaǵy bir adamǵa jasalǵan ádiletsizdik - tutas qoǵamǵa jasalǵan ádiletsizdik.
Saltanat Sherhan, Astana
Qoǵamda bolyp jatqan túrli jaǵdaılar ekinshi márte qaıtalanbas úshin ár adam ózinen bastaýy kerek. Sebebi «adamnyń kúni adammen». Biz durys bolsaq, qoǵam durys bolady. О́z baǵymtymyzdy durystaý arqyly izgi qoǵamdy qalyptastyramyz.
Tomırıs Qaısarova, Astana