Qazaqstannyń kásipqoı fýtbol lıgasy (QKFL) el chempıonatynyń mamyr aıyndaǵy eń úzdik oıynshysy men bas bapkeriniń esimin atady.
Dástúr boıynsha, QKFL ár aıda komandalardyń bas bapkerleri men kapıtandary arasynda saýaldama júrgizip, aıdyń úzdik fýtbolshysy men bas bapkerin anyqtaıdy. Mamyr aıyndaǵy saýaldama qorytyndysy boıynsha, «Ordabasy» men Qazaqstan ulttyq quramasynyń jartylaı qorǵaýshysy Ashat Taǵybergen ótken aıdaǵy elimizdiń eń úzdik fýtbolshysy atandy. Taǵybergen mamyr aıyndaǵy oıyndarda 3 gol soǵyp, 4 nátıjeli pas bergen.
Al bas bapkerler arasynda «Ordabasy» klýbynyń jattyqtyrýshysy Aleksandr Sednev úzdik dep tanyldy. Shymkenttik komanda mamyr aıynda bes oıyn ótkizip, sonyń barlyǵynda jeńiske jetti. Tórt márte el birinshiligindegi oıynda, bir márte kýbok básekesinde qarsylastarynan basym túsken bolatyn.