Ázerbaıjan astanasy Bakýde túrki álemi ádebıeti men mádenıetiniń II festıvali ótti. Irgeli is-sharanyń alǵashqy kúni qazaq ádebıetine arnaldy. Merekelik jıynda túrki halyqtarynyń baı rýhanı murasy men mádenı qundylyqtary óskeleń urpaqqa nasıhattaldy.
«Qazaq ádebıeti» kúni qarsańynda elimizdiń mańyzdy kitaptar shoǵyry usynylǵan. Oqyrman nazaryna qazaq tarıhshylary, qalamgerler eńbeginiń qazaq tilimen qosa ázerbaıjan tilindegi nusqasy tanystyryldy. Kórmege kitaptarmen qatar jergilikti qolónershilerdiń jumystary qoıylyp, kelýshilerdiń qyzyǵýshylyǵyn týǵyzdy.
Munan soń kesh Qazaqstan men Ázerbaıjan ónerpazdarynyń qatysýymen konserttik baǵdarlamaǵa ulasty. Týystas eki eldiń halyq ánderi oryndalyp, kórnekti qazaq aqyndarynyń óleńderi oqyldy. Sonymen birge dombyrashylarymyz kúı tartyp, áýeletti Uly dalanyń qońyr sazyn.