Mańǵystaý óńirinde «2021–2025 jyldarǵa arnalǵan kásipkerlikti damytý jónindegi ulttyq joba» baǵdarlamasy aıasynda jalpy quny 35 mlrd teńge bolatyn 912 joba maquldanyp, 247 jumys orny saqtalǵan, 424 qosymsha jumys orny quryldy. 2023 jyldan bastap jumyspen qamtý aıasynda jas kásipkerlerge 2,5%-ben nesıe berý bastalǵan bolsa, osy baǵytqa respýblıkalyq bıýdjetten 815 mln teńge qarajat bólinip, 163 jas kásipkerge tómendetilgen paıyzben nesıe berý josparlandy. Sonymen qatar, aýyl turǵyndarynyń tabysyn arttyrý maqsatynda «Aýyl amanaty» qanatqaqty baǵdarlamasy aıasynda respýblıkalyq bıýdjet esebinen 1,2 mlrd teńge qarajat bólinip, baǵdarlama aıasynda 237 jobany qarjylandyrý josparlanǵan.
Kásipkerlerine qarqyndy qoldaý kórsetýdi qolǵa alǵan «Qazaqstannyń úzdik taýary» respýblıkalyq kórme-baıqaýynyń óńirlik kezeńi ótti. Otandyq ónimniń sapasyn arttyrý, el naryǵyn básekege qabiletti taýarmen tolyqtyrýǵa baǵyttalǵan jyl saıyn uıymdastyrylatyn sharaǵa oblystaǵy 60 kásiporyn, Reseıdiń Astarhan oblysy dýmasynyń tóraǵasy Igor Martynov bastaǵan delegasııa, Mańǵystaý oblystyq kásipkerler palatasy ókilderi men elimizdiń Ulytaý, Abaı, Qostanaı, Aqtóbe, Atyraý, Batys Qazaqstan oblystary men Almaty qalasynyń bir top kásipkerleri, bıznes qoldaýshylary qatysty. О́ńir basshysy Nurlan Noǵaev ár kásipker usynǵan taýarlar kórmesin aralap, qoldaýyn bildirdi.
Baıqaý «О́ndiristik maqsattaǵy úzdik taýarlar», «Halyqqa arnalǵan úzdik taýarlar» jáne «Úzdik azyq-túlik taýarlary» úsh atalymy boıynsha júrgizilip, ár atalym boıynsha úsh-úshten - toǵyz jeńimpaz aıqyndaldy. Jeńimpazdar arnaıy júldemen marapattaldy.
«О́ndiristik maqsattaǵy úzdik taýarlar» atalymy boıynsha «KazAzot» AQ, «Kaskor-mashzavod» JShS jáne «OSS Qazaqstan» JShS jeńimpaz atandy. Al «Halyqqa arnalǵan úzdik taýarlar» atalymynda jeke kásipkerler Ásel Jekenova, Iles Jumahanuly, Aldabergen Tilenbaev jeńiske laıyq dep tanyldy. Sonymen qatar, «Úzdik azyq-túlik taýarlary» atalymy boıynsha «Jańaózen sút zaýyty» JShS, «Korkem Alem» JShS, «MAGA-BREAD» JShS úzdik shyqty.
Rasynda da, shaǵyn bıznesti damytý jáne nyǵaıtý – memlekettiń basty tapsyrmalarynyń biri. Qazir respýblıkalyq jáne jergilikti kólemde kásipkerlerge jan-jaqty qoldaý kórsetilýde. Máselen, óńirde tirkelgen shaǵyn jáne orta bıznes sýbektileriniń sany ótken jylmen salystyrǵanda 28% ósip, 87 myńǵa jetken. Ashylǵan kásipkerlikterdegi jumyspen qamtylǵandardyń sany 23% ósip, 155 myń adamǵa jetip otyr. Saltanatty sharada jeńimpaz atanǵan barlyq kásipkerlerdi quttyqtaımyn. Olarǵa respýblıkalyq baıqaýda sáttilik tileımin», dedi oblys ákimi Nurlan Noǵaev.
О́ńirlik baıqaýdyń 9 jeńimpazy «Qazaqstannyń úzdik taýary» respýblıkalyq kórme-baıqaýyna joldama aldy.
Mańǵystaý oblysy