Qazaqta «Keń bolsań, kem bolmaısyń» degen jaqsy sóz bar. Mine, meniń ustanymym osy. Ár salaǵa árkim volonter bola alady.
О́ıtkeni kútpegen jerden kelgen qýanysh, tógilgen meıirim, shashylǵan shýaq, berilgen jylý – osynyń bári izgi nıetti jandardan keledi. Sonshalyq jaqsy kóńilge malynyp, jylýǵa bólengen adamdar «О́mirde jaqsy adamdar bar ma?» degen tańdanystaryn bildirip, tańdaı qaǵyp jatady. Kózi jetken soń, «ómirde mundaı jaqsy adamdar bar eken» deıdi.
Eldiń jarqyn bolashaǵy dep jastarǵa kóp senim artamyn. Olardyń oılaýy, qarym-qabileti burynǵydan ózgerek. Qazir volonterlik uǵymy buqaranyń sanasynda jańa bir deńgeıge kóterildi. Erikti bolýdy janyma serik etkeli uqqanym, volonterlik adamnyń sana-sezimin keńeıtedi.
О́zim Afrıkanyń birneshe elinde erikti boldym. Shalǵaıda, shet jurtta jalǵyz-jarym júrgennen keıin kóp nárseni kóresiń, úırenesiń, oı túıesiń, salystyrasyń. Mine, osynyń bári bastan ótti. Eń keregi, birinshi – bilim, ekinshi – til baılyǵyń. BUU-nyń barlyq mıssııasyna qatystym desem bolady. Qazaqtyń azamattarymen salystyrǵanda, ol jaqta julqynyp turǵan jan joq. Bylaısha aıtqanda, jaıbasar. Menińshe, buǵan turmystyq-áleýmettik ahýal kóp áser etedi.
Teljan JÚNISBEKOV,
Qazaqstannyń BUU-daǵy
tuńǵysh eriktisi, dáriger