Memleket basshysy Qasym-Jomart Toqaev «Onlaın-platformalar jáne onlaın-jarnama týraly» zańyna qol qoıdy.
Zań boıynsha endi onlaın-platforma ókilderi men el azamattarynyń arasyndaǵy qarym-qatynas quqyqtyq arnaǵa túsedi. El azamattarynyń quqyqtary men múddederi zańmen qorǵalady. Búgingi tańda onlaın-platformalardyń bir bóligi elimizde óz ókildikterin ashyp jatyr. Endigi kezekte akkaýntqa qatysty týyndaǵan máseleler zańmen tıimdi rettelmek.
Memlekettik tildiń damýyna qatysty da oń ózgeris bar. Jarnama bergende memleHkettik tildegi nusqasyn qamtamasyz etý, zııandy kórinisten balalardy saqtaý, olardyń quqyqtaryn qorǵaý sekildi máseleler zańda qamtylǵan.
Zańda jalǵan aqparat taratpaý syndy normalar da qarastyrylǵan. Atalǵan zań el ıgiligi men qoǵam damýyna qyzmet etip, azamattardyń quqyqtary men múddelerin qorǵaıdy degen senemiz.
Baýyrjan SERIKBAEV,
saıasattanýshy