Memleket basshysy Qasym-Jomart Toqaevtyń qatysýymen Túrkistan qalasynda tken Ulttyq quryltaıdyń ekinshi májilisinde keńinen qozǵalǵan qoǵamdy jańǵyrtý, mádenı-rýhanı damý, bilim jáne ǵylym salasynyń máseleleri zektiligimen nazar aýdarady.
Byltyrǵy Ulytaý óńi rinde ót ken alǵashqy quryltaı elimizdegi turaqtylyq pen tatýlyq taqyrybyna arnalsa, bıylǵy quryltaı «Ədiletti Qazaqstan – Adal azamat» dep atalǵan eken. Osy ataýynyń ózi qazaq eliniń kókeıinde kúlbiltelenip júrgen kómbeniń betin sypyrǵandaı, aqıqat pen shyndyq shyraǵdanyn jaqty. Sondyqtan Túrkistan tórindegi uly quryltaıdy jańǵyrýdyń, jarqyn bolashaqtyń, jańa úmitterdiń bastamasy dep bilemin.
Prezıdentimiz: «Ulttyq quryltaı bul – arqany keńge salyp otyratyn jıyn emes. Sən-saltanatpen ótkizetin toı da emes. Babalarymyz mańyzdy sheshim qabyldar kezde nemese elge qater tóngen syn saǵatta quryltaı shaqyrǵan», dep aıtyp ótkendeı qazirgi halyq aralyq ahýaldyń buryn-sońdy bolmaǵan jaǵdaı da shıelenise bastaǵan kezinde eldiń bereke-birligi de synǵa túsetinin umytpaýymyz kerek. Qazaq halqy úshin quryltaıda sóz bolǵan jer məselesi, aýyl ahýaly, qazaq tiliniń tuǵyry, shekara məselesi, jemqorlyqqa qarsy turý ədisteri, «Adal azamat» ustanymy, qýǵyn-súrgin qurbandaryn tolyq aqtaý jónindegi memlekettik komıssııa jumysy sekildi ózekti məselelerdiń eshqaısysy úlken-kishi, mańyzdy-mańyzsyz dep bólip-jarýǵa kel meıtin, ərqaısysy qasterli, birigip kúsh salyp, kúresetin ótkir məsele. О́z basym Prezıdenttiń jer tutastyǵyna baılanysty aıtqan oı-paıymynan óz-ózine senimdi naǵyz kóshbasshynyń ustanymyn kórip, razy boldym. El arasyndaǵy alypqashpa sózderge núkte qoıdy dep sanaımyn. Rasynda da, Prezıdentimiz aıtyp júrgen Ədiletti Qazaqstandy adal azamattar ǵana qura alady. Al «adal» degen sóz qarapaıym azamattarǵa ǵana qatysty bolmaýy kerek, eń aldymen «adal sheneýnik», «adal maman» degen uǵym alǵa shyqsa, bul sózdiń maǵynasy sonda ǵana ashylyp, senim týdyra almaq. О́mirimdi ónerge arnaǵan aqsaqal retinde aıtarym, bizdiń qoǵamdaǵy ər ózgeris eldiń erteńi, urpaqtyń bolashaǵy jarqyn bolýy úshin jasalyp jatyr. Sondyqtan da keleshek Qazaqstandy kóterý úshin bilimdi, eńbekqor jastardy tərbıeleý, olardy masyldyqtan aryltyp, memleketshil bolýyna at salysý – ərbir ata-ana, azamat adamnyń boryshy.
Otanshyldyq, adamgershilik, bilimpazdyq, naǵyz maman bolý, únemshildik, eńbekqorlyq, el men jerge janashyrlyq sııaqty asyl qasıetter bəri nen bıik turýǵa tıis. Bolashaǵymyz jarqyn bolsyn desek, adal eńbek etip, adal as isheıik. Eńbektiń baǵasyn bilgen adam ózgeniń mańdaı teri men qajyr-qaıratyna da qurmetpen qaraıdy. Adamnyń bir-birine degen qurmeti tek osylaı ǵana oıanyp, yntymaǵy kúsheıe túsedi. Ər salada adaldyq basty orynda tursa, ədil qoǵam ornaıdy. El múddesine saı sheshim qabyldanady. Bir sóz ben aıtsaq, qoǵamdaǵy izgiliktiń bəri adaldyqtan bastaý alady. Endeshe, «Ədiletti Qazaqstan» jəne «Adal azamat» uǵymdary el tiregi bolatyn egiz qundylyq retinde ərdaıym ıyq tiresip, qatar turýǵa tıis.
Asanáli ÁShIMOV,
Qazaqstannyń Eńbek Eri