Oqý-aǵartý mınıstri Ǵanı Beısembaev oqý jylynyń uzaqtyǵyna qatysty pikir bildirdi, dep habarlaıdy Egemen.kz.
Úkimet otyrysynan keıin ótken brıfıngte Oqý-aǵartý mınıstri Ǵanı Beısembaev oqý jylynyń uzaqtyǵy tóńireginde týyndaǵan másele áli sheshilmegenin aıtty.
«Mundaı mańyzdy sheshimder oqýshylardyń múddesi úshin qabyldanýy kerek. Biz barlyq sarapshynyń pikirine qulaq asýymyz kerek. Sondyqtan men túrli saraptamalyq pikir bildiretin adamdarmen kezdesý ótkizip jatyrmyn. Osy aptada barlyq sarapshy jınalyp, bir sheshimge kelýi kerek», dep túsindirdi Ǵanı Beısembaev.
Eske sala ketsek, 2022 jyly Qazaqstanda oqý jyly eki aptaǵa uzartyldy. Bul ózgeris qoǵamda qyzý pikirtalas týdyrǵan edi. Al qoǵam qaıratkerleri oqý jylynyń uzartylýyn synǵa aldy.