«Egemen Qazaqstan» gazetiniń Bilim jáne ǵylym bóliminiń tilshisi Dúısenáli Álimaqyn AQSh-tyń Vashıngton qalasyndaǵy «The George Washington University» ýnıversıtetine jýrnalıstıka salasy boıynsha, Saıasat jáne quqyq bóliminiń tilshisi Gúlnar Joljan Anglııaǵa taǵlymdamadan ótýge joldama alǵan bolatyn. Mine, olar endi shetelde bilimin jetildiredi.
Qos grant ıegerin shyǵaryp salý rásimi «Egemen Qazaqstan» gazetiniń redaksııasynda jáne Astananyń 25 jyldyq mereıtoıyna oraı ashylǵan Jýrnalıster saıabaǵynda ótti.
Bas basylymnan qanat qaqqan jýrnalısterdi «Qazaq gazetteri» JShS bas dırektory Dıhan Qamzabekuly bastaǵan áriptesteri quttyqtap, bilim jolyndaǵy saparlaryna sáttilik tiledi ári syı-sııapat kórsetti. Áriptesterinen jyly lebiz estigen Gúlnar men Dúısenáli de ujymǵa rızashylyqtaryn bildirdi.