Múmkindikti sátti paıdalansaq

«Qazaqstan Eýrazııa qur­lyǵyndaǵy basty tranzıt haby retindegi rólin arttyrýy kerek. Osylaısha, ýaqyt óte kele kólik-logıstıka sa­la­syndaǵy iri memleketke aı­nalýymyz qajet. Kólik-logıstıka salasyn qarqyndy damytý – bul strategııalyq mindet. Úsh jyl ishinde onyń ishki jalpy ónimdegi úle­si keminde 9 paıyzǵa jetýge tıis», dedi osy joly Mem­leket basshysy.

Rasynda qazirgi geosaıa­sı jaǵdaı men tarıhı týyndaǵan múm­kindikti Úkimetimiz sátti paıdalana bilse, Qazaq­stan kólik-logıstıka derjava­syna aınalýyna mol múm­kindigi bar. Oǵan kúmánimiz bol­maýǵa tıis. Mysaly, Pre­­zıdent Qasym-Jomart Toqaev Qy­taıǵa memlekettik sapary aıasynda Sıan qurǵaq portynda otandyq logıs­tıkalyq ortalyq qu­ry­lysynyń onlaın iske qosý rásimine qatysqany belgili. Sonda sóılegen só­zinde qurlyqtaǵy kólik dá­lizderin damytý máselesin de qozǵady. Qytaı Batys Eý­ra­zııanyń aýqymdy naryq­ta­ryna Qazaqstan aýmaǵy ar­qyly shyǵa alatynyna ın­ves­torlardyń da nazaryn aýdar­dy.

«Mundaı tasymal joly óte utymdy ekeni sózsiz. Biz Sıan qalasyndaǵy qurǵaq portta Qazaqstannyń logıs­tıka ortalyǵyn salýǵa basa mán berip otyrmyz. Ortalyq Azııaǵa, Eýropaǵa, Túrkııa men Iranǵa konteıner poıyzdaryn tikeleı jóneltý isinde osy ortalyq negizgi hab bolady.  Biz Qytaıǵa qaraı «Aıagóz – Baqty» temirjolyn iske qosýdy jos­parlap otyrmyz. «Dostyq – Mo­ıynty» arasyndaǵy temir jolǵa kúrdeli jóndeý júrgiziledi. Sonda temirjol ar­qyly jyl saıyn 20 mıllıon tonnaǵa deıin júk ta­sy­maldaýǵa múm­kindik týady. Eýropa men Azııa arasyndaǵy tranzıtti jandandyrý úshin Transkaspıı baǵdaryn damytý mańyzdy dep sanaımyn. Bul baǵyttyń bolashaǵy zor», degen edi Pre­zıdent.

Osynaý halyqaralyq ma­ńyzy bar aýqymdy jumys­tardy oıdaǵydaı iske asyrý úshinde Kólik mınıstrligin qaıta qurýdy usyndy. Endi atqarýshy bılik osy baǵyt­taǵy istiń kózin tapsa, úkilengen úmit tolyq aqta­lady dep oılaımyn.

Bahadyr QARSYBEKULY,

kásipker