Álemdik tájirıbede «water governance» uǵymy memleket tarapynan sý resýrsyn júıeli basqarý men tıimdi paıdalanýdy kózdeıdi. Elimizge Ortalyq Azııadaǵy sý resýrstarynyń 18 paıyzdan astamy ǵana tıesili ekeni málim. Sáıkesinshe bizdegi sý qorynyń 40 paıyzǵa jýyǵy kórshi memleketterden keledi. Bul óz kezeginde, sý ulttyq qaýipsizdiktiń negizgi tarmaǵy retinde kún tártibine enip otyr.
Osy salaǵa arnaıy mán berip, jeke mınıstrlik retinde qurý – ýaqytyly qabyldanǵan sheshim. Jańadan qurylatyn Sý resýrstary jáne ırrıgasııa mınıstrligi elimizdegi sý saıasatyn ilgeriletetin, sý ınfraqurylymyn jetildirý boıynsha usynystar berip, onyń oryndalýyna jaýapty bolýy qajet. Sonymen qatar óz quzyrettiligi sheńberinde transshekaralyq sý resýrstary boıynsha kelissózder men talqylaýlarda memlekettik múddeni qorǵaýda basymdyqqa ıe bolmaq. Sondaı-aq salalyq vedomstvo retinde sý máseleleri boıynsha halyqaralyq jáne óńirlik uıymdar men ózge de múddeli taraptarmen baılanysty jańa deńgeıge kóterýge, sol arqyly elimizge sýdy tıimdi paıdalaný boıynsha jańa tehnologııalar engizýge múmkindik týmaq.
Ortalyq Azııa óńiri aýyl sharýashylyǵynyń 75 paıyzy sýarmaly ári elimizdiń tómengi aǵysta ornalasýy sý resýrsy boıynsha kórshi eldermen tıimdi ári júıeli baılanys ornatý, dostyq pen seriktestikke negizdelgen «sý dıplomatııasyn» júrgizýdi qajet etedi. Osy rette atalǵan mınıstrlik ózge de múddeli memlekettik organdarmen birlesip áreket etýge tıis.
Baýyrjan BAǴLAI,
Prezıdent janyndaǵy Memlekettik basqarý akademııasy dıplomatııa ınstıtýtynyń qyzmetkeri