Prezıdent Qasym-Jomart Toqaevtyń Parlament palatalarynyń birlesken otyrysynda joldaǵan bıylǵy Joldaýynda naqty tapsyrmalar men mindetter kórsetilip, oryndalýyna qysqamerzim belgilendi.
Mańyzdy qujatta ekonomıka salasyna kóp kóńil bólindi. Ekonomıkanyń damýy áleýmettik salanyń jaqsarýyna tikeleı baılanysty. Sondyqtan osy baǵytqa barynsha mán berildi. Sonyń ishinde kólik tasymaly, logıstıkaǵa erekshe toqtaldy. Qandaı porttar men temir joldardyń salynatynyn anyqtap aıtty.
Atom elektr stansasynyń qurylysyn referendým arqyly sheshý de durys qadam. Biraq óz basym onyń salynýyna qarsy emespin. О́ıtkeni bizge elektr energııasy kerek. Sheteldik ınvestorlar kelse de birinshi qýat kózine qaraıdy. AES qarapaıym turǵyndarǵa da paıdaly. Arzan elektr energııasy bolady. Árıne, qaýipsizdik aldyńǵy orynda turatyny belgili.
Sý máselesiniń ózekti ekeni baıandaldy. Osyǵan baılanysty jańa mınıstrliktiń qurylatyny quba-qup bolǵan. Rasynda da sý máselesinde kórshi eldermen jaqsy qarym-qatynasty úzbeı problemany birigip sheshken jón. Sonymen birge kúndelikti turmysta, aýyl sharýashylyǵynda sýdy únemdep paıdalanǵan durys. Prezıdent aıtqandaı, tarıftik saıasatty da ádiletti júrgizgen abzal. Álbette tarıften túsken qarajat ınfraqurylymdy jańartýǵa jumsalady. Alaıda halyq tarıftiń ne úshin qymbattaǵanyn túsinbeı jatady. Sondyqtan monopolııaǵa qarsy agenttikpen tarıf kelisilgen soń ony halyq arasynda túsindirý jumystary júrýge tıis. Memleket basshysy ádiletti tarıf saıasaty týraly osyny meńzep otyr.
Sondaı-aq elimizde sheteldik 3 kommersııalyq bank paıda bolatyny kóńilge qondy. Nesi bar, sol arqyly otandyq bank salasynda básekelestik kúsheıip, paıyzdardyń tómendeýine alyp kelse, jaman ba?!
Shymkentke qatysty áýejaıdyń logıstıkalyq áleýetin arttyrý jóninde sóz qozǵaldy. Búgingi tańda áýejaıda jeke ınvestor esebinen jańa termınal salynyp jatyr. Onyń ústine aeroport mańynda iri logıstıkalyq ortalyq bar. Búkil kelgen júk sonda saqtalady. Sol taýardy dittegen jerine jetkizý máselesi alǵa shyǵyp otyr. Prezıdent tapsyrmasyna oraı bul maqsatty júzege asyrýǵa tıispiz. Sonymen birge kreatıvti ekonomıka Astana men Almaty qalalarynan bólek úshinshi megapolıste de jaqsy damyǵany sóz boldy. Iá, munymen tolyq kelisemin. Osy kúnde jastardyń, jeke azamattardyń bıznes ıdeıasyn iske asyrý boıynsha shaharda qoldaý tetikteri barshylyq. Bızneske arnalǵan úkimet sekildi uıymdy ataýǵa bolady. Budan bólek joǵary oqý oryndarynda stýdentterdiń bıznes jobalaryn patentteý, sertıfıkattaý boıynsha da kóp jumys qolǵa alynǵan.
Prezıdent buǵan qosa óz Joldaýynda kásipkerliktiń búgingi ahýalyna da arnaıy toqtaldy. Bılik pen bıznes arasynda syndarly dıolog ornaýy qajettigin atap kórsetti. «Qazirgi ótpeli kezeńde memlekettik organdardyń kemshilikke jol beretini, keıde asyra silteıtini jasyryn emes. Sondyqtan ekonomıkalyq sıpattaǵy keıbir zań buzý áreketterin qylmys sanatynan alyp tastaý jumysyn jalǵastyrý qajet» dedi Memleket basshysy atalǵan problemany nazarǵa alý asa qajet.
Bahadyr NARYMBETOV,
Shymkent qalalyq
máslıhatynyń tóraǵasy