Jahandaný kezeńinde básekege qabiletti jáne suranysqa ıe mamandardy daıarlaý óte mańyzdy. Memleket basshysy Qasym-Jomart Toqaev halyqqa arnaǵan jańa Joldaýynda muny erekshe aıtty.
Joǵary oqý oryndaryndaǵy bilim sapasyn álemdik deńgeıge saı jetildirý qajettiligin ómirdiń ózi talap etip otyr. Prezıdent te bolashaq damýymyz bilim salasynda ınnovasııa jetistikterin keńinen paıdalanýǵa baılanysty ekenin eskertti. Ásirese bilim berý salasyndaǵy kóptegen ózgeris joǵary oqý oryndaryndaǵy kúrdeli máselelerdi anyqtap berdi. Joldaýda daıarlanatyn mamandardyń sapasyna, úzdiksiz bilim men ǵylymı jetistikterdi ıgerýdiń ulttyq ekonomıkaǵa tıgizetin áserine, salany jetildirýdiń mańyzyna toqtaldy. Qazirgi kezde basqarýdyń zamanaýı ádis-tásilderin meńgergen mamandarǵa degen qajettilik kúnnen-kúnge artyp keledi.
Joldaýdaǵy mindetter QazUÝ-da básekege qabiletti mamandar daıarlaýǵa, jańa bilim baǵdarlamalaryn júzege asyrýǵa múmkindik beredi. Qazir ýnıversıtettiń menedjment kafedrasynda Bolon úderisine sáıkes, sheteldiń joǵary oqý oryndarymen tyǵyz baılanys ornatyp, bilim baǵdarlamasy standartyn tájirıbe júzinde shyńdaýǵa qol jetkizip otyr.
Stýdentter, magıstranttar, doktoranttar AQSh (Vashıngton), Italııa, Nıderland, Polsha, Reseı (RÝDN), Chehııa memleketteriniń ýnıversıtetterinde bilim almasý boıynsha akademııalyq taǵylymdamadan ótip jatyr. Ýnıversıtetimiz Ǵylym jáne joǵary bilim mınıstrliginiń 2023-2025 jyldarǵa arnalǵan ǵylymı jáne ǵylymı-tehnıkalyq jobalaryn granttyq qarjylandyrý konkýrsynda 75 jobany jeńip aldy. Onyń ishinde menedjment kafedrasynyń ǵalymdary úsh jobany oryndaıdy.
Ekonomıka jáne bıznes joǵary mektebinde teorııalyq jáne qoldanbaly pánderdi oqytýdy akademııalyq dástúrge saı joǵary deńgeıde júzege asyryp keledi. Ýnıversıtet joǵary bilikti kadrlardy daıarlaýdyń úzdik otandyq tájirıbesine súıene otyryp, memlekettik qyzmetke maman daıarlaýdyń quzyrettiligin qalyptastyrýǵa umtylyp keledi.
Menedjment kafedrasynyń professor-oqytýshylary Memleket basshysynyń el ekonomıkasyn jan-jaqty taldap, damýdyń strategııasyn kórsetken Joldaýyn júzege asyrý baǵytynda ǵylymı-pedagogıkalyq sheberligin, izdenisin arttyrady dep senimmen aıta alamyz.
Ońalbek ABRALIEV,
Ál-Farabı atyndaǵy QazUÝ menedjment kafedrasynyń professory, ekonomıka ǵylymdarynyń doktory