Memleket basshysy Qasym-Jomart Toqaev BUU Bas Assambleıasynyń jyl saıynǵy dástúrli sammıtine qatysý úshin AQSh-qa jumys saparymen bardy. Jıynda ornyqty damý maqsattaryn ilgeriletý máselesi talqylanyp jatyr. Bul – óte mańyzdy másele. О́ıtkeni qujat qabyldanǵaly mejelengen 15 jyldyń jartysy ótti. Qazirgi ózgeristerdiń, halyqaralyq qatynastar júıesindegi daǵdarystyń saldarynan ornyqty damý maqsatyna qol jetkizý kúrdeli máselege aınaldy.
Atalǵan mindetke qol jetkizýdiń keı baǵyttary syn kótermeıdi. Sol sebepti bıylǵy jıynnyń ózektiligi álem úshin de, elimiz úshin de óte joǵary. Birinshiden, klımat ózgeristeriniń Qazaqstanǵa, Ortalyq Azııaǵa jáne álemge tıgizgen saldary men teris áserin kórip otyrmyz. Sol sekildi koronavırýs pandemııasynan eki jyl ótse de, indettiń zııany áli de seziledi. Sol sebepti pandemııanyń saldaryn joıýdyń naqty jospary joq.
Prezıdentimiz ornyqty damýǵa qatysty jıynnyń bir dıalog alańyna tóraǵalyq etti. Bul Memleket basshysyna da, Qazaqstanǵa da senimniń óte joǵary ekenin ańǵartady. Elimiz ornyqty damý maqsattaryna sózben ǵana emes, ispen de adal áreket etetinin aıqyn kórsetedi. Sondaı-aq elimiz Aýǵanstan boıynsha óńirlik hab qurýǵa muryndyq boldy. Budan bólek 2030 jylǵa deıin kómirtegi beıtaraptyǵyna qol jetkizý boıynsha strategııalyq damý qujaty qabyldandy. Munyń bári Qazaqstannyń ornyqty damý maqsatyna beriktiginiń aıqyn dáleli.
Sammıt aıasynda, sondaı-aq ózara áńgime kezinde BUU-ny reformalaý máselesi talqylanady dep esepteımin. Osylaısha, irgeli uıymda qurylymdyq ózgeristerdi bastaýdyń irgetasy qalanady. Onyń ústine taıaý kúnderi ózgeriske jol ashatyn qujattar qabyldanatyn shyǵar dep esepteımin.
Sonymen qatar Prezıdent Q.Toqaev sapar aıasynda birqatar memlekettiń basshylarymen kezdesti. Atap aıtqanda Majarstan jáne Slovenııa sekildi eldermen kelissóz júrgizdi. Máselen, Majarstan túrkitildes memleketter uıymyndaǵy strategııalyq seriktesterimiz sanalady. Slovenııa – saýda áriptesimiz.
Bekjan SADYQOV,
Strategııalyq zertteýler ınstıtýty
Eýropalyq jáne amerıkalyq zertteýler bóliminiń basshysy