Memleket basshysy BUU ornyqty damý maqsatyndaǵy sammıtte Majarstan Prezıdenti Katalın Novakpen teń tóraǵalyq etti. Kóshbasshylardyń birinshi sessııasynda qazirgi jahandaný zamanynda ártúrli ádis-tásilderdi, syn-qaterlerdi meńgerý, turaqty damýǵa baılanysty taqyryptar kóterildi.
Osy rette Prezıdent Qasym-Jomart Toqaev: «Bul – óskeleń urpaq úshin jasalyp otyrǵan birden-bir múmkindik. Eger muny barlyq memleketter qolǵa almasa, BUU aıasynda osy máseleler sheshilmese, onda kóptegen elderdiń damý kórsetkishteri tómendeıdi», degen edi. 2015 jyldan bastap BUU ózderiniń ındıkatoryn engizdi. Iаǵnı ornyqty damý kórsetkishteri kiristirildi. 2015 jyldan 2030 jylǵa deıingi bul ındıkatordyń 17 baǵytyn biz ózimizdiń damý baǵytymyzǵa qostyq. Soǵan sáıkes elde úlestirýshi keńes quryldy. Buǵan qosa bes jumys toby jumys isteı bastady. Sondaı-aq BUU ındıkatorynyń ishine elimiz óziniń ındıkatoryn jasady.
Eýropadaǵy qaýipsizdik jáne yntymaqtastyq jónindegi uıymnyń 2022 jylǵy sammıtinde ındıkator boıynsha baqylaý jasaý jumystaryn kúsheıtýdi suraǵan edi. Soǵan sáıkes elde Májilis pen Senatorlar arasynda úılestirýshi keńes quryldy. Indıkatorlardyń oryndalýyn baqylaý Parlament depýtattaryna baǵyttaldy. Osy oraıda aıta ketetini adam ómiriniń sapasyn arttyrý, geosaıası qaqtyǵystarǵa baılanysty shıelenisterden aýlaq bolý, dıalog ornatý túrli 17 salaǵa baılanysty ındıkator oryndalatyn bolsa, árıne, elimizdiń áleýeti artady. Sammıtte kóterilgen máselelerdiń kóbi ózekti.
BUU Ortalyq Azııaǵa kóp nazar aýdarýda. Sebebi Reseı, Qytaı, Iran, Aýǵanstan sekildi memleketterdiń jáne Ortalyq Azııa halqynyń sanyna baılanysty kóptegen másele týyndap jatyr. Bul rette BUU Qazaqstandy beıbitshilik dıalog alańy retinde kóredi. Prezıdentimiz Aýǵanstanǵa baılanysty aımaqtyq hab qurý týraly máseleni kótergen edi. Munda bilim, ınnovasııa, ındýstrııa, densaýlyq salasyndaǵy máseleler jan-jaqty qarastyrylady. Osylaısha, Ortalyq Azııada turaqty damý kórsetkishteri baǵyttaǵy is-sharalar túziledi.
Ǵalıasqar SARYBAEV,
Senat depýtaty