Astanada Kólik mınıstrligi men KAZLOGISTICS Qazaqstannyń kólik odaǵy uıymdastyrǵan New Silk Way VI Halyqaralyq kólik-logıstıkalyq bıznes-forýmy aıasynda «Júk jáne jolaýshylar avıatasymaldaryn damytý» taqyrybynda paneldik sessııa ótti, dep habarlaıdy Egemen.kz.
Atalǵan taqyrypty talqylaýǵa Azamattyq avıasııa komıteti, Qazaqstannyń avıasııalyq ákimshiligi, otandyq jáne sheteldik avıakompanııalar, áýejaılar men logıstıkalyq kompanııalardyń basshylary, sondaı-aq sheteldik memlekettik organdardyń ókilderi qatysty.
Alqaly jıyn barysynda Azamattyq avıasııa komıtetiniń tóraǵasy Talǵat Lastaev, ACI EUROPE halyqaralyq áýejaılar keńesiniń bas dırektory Olıve Iаnkoves, «Nursultan Nazarbaev halyqaralyq áýejaıy» AQ Basqarma tóraǵasy Erǵazy Joldasov, Almaty halyqaralyq áýejaıynyń prezıdenti Alp Er Týnga Ersoı, IATA Eýropadaǵy júk tasymaldaý jónindegióńirlik menedjeri Hýan Fernandes, Terminals holding group bas dırektory Ahmed ál-Hadabı, Air Astana áýe kompanııasynyń satý jónindegi dırektory Janna Shaıahmetova jáne Asiana Airlines áýe kompanııasynyń ókili Vsevolod Kım baıandama jasady.
Sessııa barysynda otynmen qamtamasyz etý, otandyq áýejaılardyń ınfraqurylymyn damytý, Qazaqstanda tranzıttik mýltımodaldy habty qalyptastyrý, kólik júıelerin ıntegrasııalaý, marshrýttyq jelini damytý, júkterdi tasymaldaý tıimdiligin arttyrý jáne jetkizý jaǵdaılaryn jaqsartý máseleleri talqylandy.
Is-shara qorytyndysy boıynsha qatysýshylar jolaýshylar men júk tasymalyn damytý máseleleri boıynsha yntymaqtastyqty jalǵastyrýǵa ýaǵdalasty.
Esterińizge sala keteıik, New Silk Way bıznes-forýmy Astanada qazaqstandyq kólik aptalyǵy sheńberinde ótip jatyr. Is-shara Translogistica Kazakhstan 2023 XXVI halyqaralyq kórmesimen bir ýaqytta ótip jatyr. Osylaısha 4-6 qazan aralyǵynda elorda tórinde uıymdastyrylǵan kórmede Qazaqstan, Ázerbaıjan, Belarýs, Germanııa, Iran, Italııa, Qytaı, Qyrǵyzstan, Lıtva, Latvııa, Estonııa, Polsha, Reseı Federasııasy, Túrikmenstan, Túrkııa, О́zbekstan, Fınlıandııa jáne basqa elderden 226 kompanııa óz stendterin usynyp otyr.