Birlik pen berekege shaqyrý – qazaq halqynyń qanynda bar qasıet. Qoja Ahmet Iаsaýı babamyz adamnyń kemeldikke jetýi úshin tórt shartty atap ótken. Olar – keńistik, ýaqyt, baýyrmaldyq, ózara yntymaqtastyq. Mine, osy qundylyqtar bolǵan kezde qoǵam da, adam da baqytty bolady.
Álemdik jáne dástúrli din lıderleri sezi dinı dostyq pen ózara túsinistikti damytýdyń taptyrmas alańy bolǵany anyq. Mundaı halyqaralyq deńgeıde ótken jıynnyń elimizde uıymdastyrylýynyń ózindik máni bar. Bul týraly kezdesýge qatysýshylarǵa arnaǵan úndeýinde Memleket basshysy da atap ótti. Prezıdent sezdiń ótkizilýi – elimiz ben búkil álemde dıalog pen yntymaqtastyqty nyǵaıtýdy kózdeıtin Qazaqstan saıasatynyń mańyzdy baǵyty ekenin aıtty.
Jer betine beıbitshilik pen berekeli ómirdi ornatý – barsha adamzattyń ortaq nıeti. Álemdik jáne dástúrli dinder kóshbasshylary sezi hatshylyǵynyń HHI otyrysyna kelgen barlyq din ókilderi osyndaı ortaq maqsattar jolynda kúsh biriktirýge, terrorızm men dindi teńestirýden bas tartýǵa, beıbitshiliktiń qundylyǵyn nasıhattaýǵa, buqaralyq aqparat quraldarynda, áleýmettik jeliler men qoǵamdyq jıyndarda ózara túsinistik pen syılastyqty dáripteýge, sondaı-aq barlyq dinniń qulshylyq jasaý oryndary men kıeli jerlerinde arandatýshylyq pen búlikterdi boldyrmaýǵa kelisti. Osyndaı ortaq máseleler barsha din ókilin rýhanı turǵydan biriktirdi jáne elimizde ár úsh jyl saıyn ótip kele jatqan Álemdik jáne dástúrli din kóshbasshylarynyń sezin uıymdastyrýdyń mańyzyn taǵy da dáleldedi.
Naýryzbaı qajy TAǴANULY,
Qazaqstan musylmandary dinı basqarmasynyń tóraǵasy,
Bas múftı