Astanadaǵy Erkeǵalı Rahmadıev atyndaǵy Memlekettik akademııalyq fılarmonııada kórnekti kompozıtor, Memlekettik syılyqtyń laýreaty Tólegen Muhamedjanovtyń «Meniń jyr álemim» atty shyǵarmashylyq keshi ótti.
Rýhanı kelisim kúnine arnalǵan ásem sazǵa toly keshte elordalyq fılarmonııanyń sımfonııalyq orkestriniń, kameralyq hordyń jáne solısterdiń oryndaýyndaǵy kompozıtordyń úzdik shyǵarmalary oryndaldy. Sonyń ishinde 1979 jyly jazylǵan «Mahambet» sımfonııalyq poemasyn erekshe aıtýǵa bolady. Bul týyndyny kezinde Reseı Federasııasynyń Memlekettik sımfonııalyq orkestri oryndaǵan. Dramalyq shyǵarma jalyndy jyrshy Mahambet О́temisulyna arnalǵan.
Konsert barysynda kesh ıesiniń «Qalyń elim, qazaǵym, qaıran jurtym», «Týǵan jer», «Dala», «Taǵzym» jáne taǵy basqa da shyǵarmalary sharyqtady.
Sondaı-aq Tólegen Muhamedjanovtyń kóńildiń qylyn shertetin mýzykasy birqatar kórkem fılmder arqyly da jaqsy tanys. Keshte tyńdarmandardy kompozıtordyń Talǵat Temenovtiń «Mahabbat beketi», «Adamdar arasyndaǵy bóltirik», «Bizdiń qalanyń kishkentaı hanzadasy», Doshan Joljaqsynovtyń «Birjan sal», «Qunanbaı» fılmderine jazǵan sazdy áýenderi súısintti.
Shyǵarmashylyq keshte Qazaqstannyń jáne Tatarstannyń halyq ártisi, Memlekettik syılyqtyń laýreaty Nurjamal Úsenbaeva, «Daryn» Memlekettik jastar syılyǵynyń laýreaty Altynbek Ábilda, skrıpkashy, Qazaqstannyń eńbek sińirgen qaıratkeri Baǵdat Ábilhanov, kúıshi Aıbek Bekbosyn óner kórsetti.