Qaraǵandy shahtasyndaǵy qaıǵyly oqıǵa týraly estip, búkil elmen birge qabyrǵam qaıysyp otyr. «Tas túsken jerine aýyr» deıdi qazaq. Qaza tapqan kenshilerdiń otbasyna Qazaqstan Qarýly kúshteriniń ardagerleri atynan, jeke óz atymnan kóńil aıtyp, qaıǵylaryńyzǵa ortaqpyz degim keledi.
Qıyndyǵy mol, qaýip-qaterge toly shahter eńbeginiń baǵasyn óz basym jaqsy bilemin. О́ıtkeni sol Kostenko atyndaǵy shahtada bes jyl boıy prohodchık bolyp eńbek ettim. Osy jaǵdaıdy júregime jaqyn qabyldaǵanym da sondyqtan shyǵar.
Oqıǵa ornyna Memleket basshysy baryp, halyqpen kezdesti, shuǵyl sheshimder qabyldaýǵa nusqaý berdi. Sondaı-aq Prezıdent eshkimniń memleket qamqorlyǵynan tys qalmaıtynyn nyqtap aıtty. «ArselorMıttal Temirtaý» kompanııasymen ınvestısııalyq yntymaqtastyq toqtatylatyn boldy. Endi qarapaıym halyqtyń jaǵdaıyn jasaıtyn jańa ınvestor keledi dep úmitteneıik.
Elimizde 29 qazan – Jalpyulttyq aza tutý kúni dep jarııalandy. «Qaıǵyny bólisse azaıady» deıdi halyq danalyǵy, endeshe judyryqtaı jumylyp, eldigimizdi tanytsaq, bul qıyndyqty da eńseretinimiz anyq.
Muhtar ALTYNBAEV,
Halyq Qaharmany, «Qazaqstan Qarýly kúshteri ardagerleri» RQB tóraǵasy, armııa generaly