Eks-mınıstr Eljan Birtanovtyń memleketke keltirilgen shyǵyndy tolyq óteýine 561 jyl kerek. Bul týraly Egemen.kz 31-arnanyń Informbıýro baǵdarlamasyna silteme jasap habarlaıdy.
Sot oryndaýshylary burynǵy densaýlyq saqtaý mınıstrinen aı saıyn 100 myń teńge óndirip otyr.
Byltyr laýazymyn asyra paıdalandy dep Eljan Birtanovqa bes jyl, onyń orynbasary bolǵan Oljas Ábishevke tórt jyl bas bostandyǵyn shekteý jazasy taǵaıyndalǵan. Sondaı-aq olar 1 mıllıard 300 mıllıon teńgeni memleket paıdasyna tóleýge mindetteldi. Bul qomaqty somany ekige bólse, árqaısysy 675 mıllıon teńgeden tóleýi tıis.
Ádilet mınıstrliginiń málimetinshe, probasııalyq baqylaýǵa alynǵan eks-sheneýnikter jekemenshik kompanııalarǵa jumysqa ornalasqan. Osy kúnge deıin Eljan Birtanov 945 myń teńgesin ótese, Oljas Ábishev 260 myń teńgege jetpeıtin aqsha tólegen. Sebebi ol aıyna 43 myń teńgeden tólep otyr. Demek Oljas Ábishevtiń shyǵyndy tolyq óteýine 1300 jyl kerek bolsa, Eljan Birtanovqa 561 jyl kerek.
Dese de jaýapty vedomstvo ókilderi eki azamattyń barlyq shottary jáne múlikteri buǵattalǵanyn málimdedi.