Osydan jıyrma jyl buryn Qazaqstan men Reseıdiń О́ńiraralyq áriptestik forýmy alǵash ret Omby qalasynda ótti. Dástúrli shara bıyl Qostanaı óńirinde uıymdastyrylyp otyr.
Kezekti forýmda talqyǵa túsken basty másele – azyq-túlik qaýipsizdigi men aýyl sharýashylyǵyn sıfrlyq júıege kóshirý boldy.
Bul forýmǵa kelýdegi eń basty maqsatymyz – tájirıbe almasý. Mańǵystaý oblysynda «Halal» sertıfıkatyna ıe jalǵyz et kombınaty retinde, biz qazir álemniń eń ozyq tájirıbelerin jınaqtaýdy kózdep otyrmyz. Sondyqtan Qazaqstan men Reseı arasyndaǵy yntymaqtastyq negizinde ótetin osyndaı forýmdar eki jaqqa da paıdaly bolmaq. Biz kombınatymyzda maldy barlyq sanıtarlyq talaptarǵa saı ózimiz soıyp, jilikteımiz ári ony fırmalyq dúkenderge satylymǵa shyǵaramyz. Osy úderisterdi ári qaraı avtomattandyrý, qyzmetkerlerdi basqarý isinde reseılik áriptesterimizdiń jetistikteri men tehnologııalaryn meńgerip, ony óz óndirisimizde qoldansaq keremet bolar edi. Et óndirisi salasyna kelgenimizge salystyrmaly túrde kóp ýaqyt bolmaǵanymen, osy kezeńge deıin óńirimizde eki fırmalyq dúken ashyp, 12 myńnan asa adamdy qyzmetpen qamtamasyz etip otyrmyz. Kombınatymyz zamanaýı zerthanamen jabdyqtalǵan. Et óndirý men halyqqa qyzmet kórsetýde 150-deı zań normalary men talaptardy saqtaı otyryp, jumysymyz úzdiksiz júzege asyrylyp jatyr. Mańǵystaý oblysy – mal sharýashylyǵy, onyń ishinde iri qara ósirýge beıimdelmegen óńir. Biz halyqty durys, taza ónimmen qamtý úshin irgeles oblystardyń bordaqylaý alańdarymen jáne sharýashylyqtarymen ózara kelisim boıynsha jumysty jalǵastyryp jatyrmyz. Bizdiń kombınatqa mal ótkizip, sol arqyly memleketten sýbsıdııa alýǵa bolady. Birneshe aı buryn reestrge endik. Bul – bizdiń sharýalarǵa jasalǵan taptyrmas múmkindik.
Mańǵystaý oblysyndaǵy iri ınvestısııalyq joba retinde keleshekte tolyq sıkldi et óndirisine kóshý strategııalyq josparymyzda bar. Maldy bordaqylaý alańdardy keńeıtip, iri qara men usaq mal basyn kóbeıte otyryp, atalǵan kombınatta jiliktep, ári qaraı tutynýshylarǵa jetkizemiz. Osy josparǵa saı, búginde bordaqylaý alańynyń alǵashqy jumystary iske qosylyp, jer kólemi men ózge de ekonomıkalyq jaǵyn mamandar esebin júrgizýde. Onyń ústine «Korkem Alem» kompanııasy – oblystaǵy etti eksporttaýǵa múmkindigi bar jalǵyz óndiris orny. Aldaǵy ýaqytta tolyq sıkldi et kombınatyna aınalyp, ónimderdi alys-jaqyn sheteldik naryqqa shyǵarý josparda bar. Bıylǵy jyldyń kókteminde ırandyq áriptestermen kelissózder júrgizilgen bolatyn. Qazirgi tańda ekinshi taraptyń sheshimin kútýdemiz. Kezdesý barysynda ırandyqtardyń qoı men sıyr etine degen suranysy joǵary ekendiginen habardar boldyq.
Búgingi forýmda Memleket basshysy: «Ozyq ta halyqaralyq standartqa, onyń ishinde «Halal» standartyna saı básekege qabiletti, ekologııalyq turǵydan taza jáne eksportqa baǵdarlanǵan ónim shyǵarýǵa basa mán beriledi», dep atap ótken bolatyn. Menińshe, bul dál bizdiń jobaǵa arnalǵandaı kórindi. Sebebi biz óz óndirisimizge basqarý men qyzmet kórsetýde eń tanymal standarttardy jasaýǵa jáne ony qoldanýǵa tyrysyp jatyrmyz. Qazaqstan musylmandary dinı basqarmasynan berilgen «Halal» sertıfıkatymyz da bar, eksporttyq múmkindigimiz de joǵary. Sondyqtan atalǵan senimniń údesinen shyǵýǵa bar múmkindikti salamyz.
Qazaqstan men Reseı arasyndaǵy yntymaqtastyq jóninde aıtatyn bolsam, et kombınatyn keńeıtý jáne iske qosý barysynda ózimizge qajetti birshama qurylǵylardy Reseıden satyp aldyq. О́ıtkeni logıstıka turǵysynan basqa elderge qaraǵanda eń qolaılysy Reseı boldy. Onyń ústine eki el arasyndaǵy shekara qyzmetiniń júıeli jumystarynyń arqasynda ózimizge tıisti qural-jabdyqtardy der kezinde ala aldyq.
Jalpy, osy kúni et óndirisinde reseılik shıkizatqa muqtaj emespiz. О́zimizdiń sharýalardyń bordaqylaý alańdary kerekti mal sanymen tolyq qamtamasyz etip otyr.
Temir Lesov,
«Korkem Alem» kompanııasynyń basshysy
Mańǵystaý oblysy,
Jańaózen qalasy