О́ńirde volonterler árdaıym belsendi, olardy barlyq sharýanyń basy-qasynan kórýge bolady. Oblystyń jastar saıasaty máseleleri jónindegi basqarmasynyń bólim basshysy Abylaı Fazylbektiń aıtýynsha, volonterlikti damytý jónindegi 2021-2023 jyldarǵa arnalǵan Jol kartasyna sáıkes volonterlik qyzmetti júıeli damytý, bastamalar men jobalardy qoldaý jáne úılestirý úshin jastar resýrstyq ortalyǵy janynan oblystyq «Volonterler front-ofısi» jáne «Volonterler korpýsy» toby qurylǵan. Toptyń bólimsheleri óńirdiń barlyq qala-aýdanynda jumys isteıdi.
«Front-ofıstiń qoldaýymen búginge deıin volonterlik toptar men uıymdardyń 1800-ge jýyq bastamasy júzege asyryldy jáne 50-ge jýyq volonterlik uıym men bastamashyl top ákimshilik, aqparattyq jáne konsýltasııalyq qoldaý aldy», deıdi A.Fazylbek.
Qazirgi tańda Mańǵystaý oblysynda volonterlikpen aınalysatyn 53 bastamashyl top, 10 úkimettik emes uıym bar. О́ńirde barlyǵy 5 230 volonter qyzmet kórsetedi, onyń ishinde 14-35 jas aralyǵyndaǵy volonter sany 4 540 adamdy quraıdy. Sondaı-aq oblys boıynsha tehnıkalyq jáne kásiptik bilim berý uıymdaryndaǵy 21 volonterlik klýbta 1363 stýdent volonterlik qyzmetpen aınalysady.
2023 jyly óńirdiń volonterlik uıymdary men bastamashyl toptary jáne memlekettik mekeme ókilderiniń qatysýymen volonterlik qyzmetti damytý jáne ony júıelendirý máseleleri talqylanyp, Mańǵystaý oblysynyń jastar saıasaty máseleleri basqarmasynyń tapsyrysymen ÚEU úshin «Jastar arasynda volonterlikti nasıhattaý, jastar ortasynda áleýmettik-mádenı belsendilikti arttyrý, sondaı-aq Mańǵystaý oblysynda volonterlik qozǵalysty damytý» taqyrybynda 9 221 mln teńge somasyna memlekettik grant jarııalanyp, «Jalyn PRO» qoǵamdyq qory jeńimpaz atandy. Grant aıasynda aımaqtaǵy volonterlik toptar men uıymdarǵa arnalǵan 300 myń teńge kóleminde 15 shaǵyn grant berildi. Qazirgi tańda jeńimpazdar óz jobalaryn júzege asyryp keledi. Olardyń arasynda ekologııalyq baǵyttaǵy, jas naýbaıshylarǵa, úı janýarlaryn zararsyzdandyrýǵa arnalǵan, sporttyq baǵyttaǵy jobalar bar. Atalǵan grant aıasynda volonterlik toptar men uıymdardyń keminde 40 jetekshisi keshendi oqytýdan ótkizý jáne jyl sońyna deıin volonterlik baǵyttaǵy keminde 30 is-shara uıymdastyrý josparlanǵan. Jyl basynan birqatar volonterlik uıymnyń uıymdastyrýymen óńirde ekologııalyq aksııalar uıymdastyrylyp, áleýmettik jaǵynan az qamtylǵan otbasylarǵa, jalǵyzbasty analarǵa, qart adamdarǵa materıaldyq, psıhologııalyq kómekter kórsetildi. Mysaly, «Biz adambyz – biz birgemiz» qory aı saıyn jalǵyzbasty analarǵa tegin massaj kýrsyn úıretip, jaǵdaıy tómen otbasyndaǵy jáne múgedektigi bar balalarǵa tegin massaj jasap, aı saıyn áleýmettik jaǵynan az qamtylǵan otbasylarǵa arnalǵan jármeńke uıymdastyryp keledi. Al «Atadan mıras» qoǵamdyq qory «Biz birgemiz!» jobasy aıasynda 320 muqtaj otbasyny bir aılyq azyq-túlikpen qamtamasyz etti. «Klýb dobrıakov» toby jáne «Aqtaý qaıyrymdy jandary» toby jalǵyzbasty, múmkindigi shekteýli jáne kópbalaly otbasy sanatyna jatatyn azamattarǵa úzdiksiz áleýmettik jáne qarjylaı kómek kórsetse, qurylǵanyna 3 jyl tolǵan «Kómek Jańaózen» qaıyrymdylyq toby búginge deıin turmysy tómen 39 otbasyny baspanamen qýantty.
«Mundaı mysaldy kóptep keltirýge bolady. Jalpy, atalǵan ıgi isterge volonterlik uıymdardan 2 myńǵa jýyq volonter belsendi túrde atsalysty. О́ńir basshysy Nurlan Noǵaevtyń tapsyrmasyna sáıkes 2024 jyly aımaqtaǵy volonterlik bastamalarǵa qoldaý kórsetý jáne Mańǵystaý oblysynyń volonterlik front-ofısiniń jumysyn uıymdastyrý boıynsha qarjy qarastyrylyp, memlekettik granttar iske asady», dedi A.Fazylbek.
Mańǵystaý oblysy