Qazaq estradasy juldyzdarynyń biri Ǵadilbek Jańaı anasymen sońǵy sátte qoshtasyp úlgere almaǵanyn jetkizdi, dep habarlaıdy Egemen.kz.
О́ner ıesi bul jaıynda Aıdos Erbosynulyna bergen suqbatynda málimdedi.
- 2007 jyly edi, Almatyda turamyn. Uıqydan oıanǵanymda ózimdi óte jaman sezinip jatqanymdy baıqadym. Esh jerim aýyrmaıdy. Biraq júregim aýyryp barady. Sosyn "Telefon shalady. Jaman habar keledi" degen oı kep jatyr. Sol kezde telefon shyryldaıdy. Almaımyn. Qaıta habarlasty. Telefon tutqasyn kóterý kerek eken. Ákemniń baýyry, nemere aǵam habarlasyp tur. "Ǵadósh, birinshi bıletpen elge kel. Anań syrqattanyp jatyr" dedi. Sodan aýylǵa barǵanǵa deıingi aralyq esimde joq, - dedi ánshi.
Ol ómirindegi eń jaman sátti sol kezje basynan ótkergenin esine aldy.
- Aýylǵa kelemin. Bizdiń úı dóńnen keıin kórinedi. Kıiz úı tur. Mamyr aıynda eshkim kıiz úı tikpeıdi. Jazda kún jylyda tigedi. Sol kezde anammen qoshtasýǵa kesh qalǵanymdy túsindim. Mende bir aptaǵa deıin emosııa bolmady. Men basynda túsinbedim, senbedim. Anamdy jer qoınyna tapsyrdyq. Jetisi ótti. Sengim kelmedi. Qyryq jasyma deıin mundaı kúı bolmaǵan. О́mirimdegi eń aýyr nárse osy boldy, - dedi Ǵadilbek Jańaı.