FIFA-nyń resmı saıtynda 2023 jyldyń qorytyndysy boıynsha atalǵan uıymnyń reıtınginde eń kóp upaı jıǵan ulttyq qurama komandalardyń tizimi jarııalandy.
Bıyl Eýropa chempıonatynyń irikteý týrnırinde Qazaqstan fýtbolshylary táýir óner kórsetti. Olar 10 kezdesýden keıin 18 upaı jıyp, N tobynda úshinshi oryndy ıelendi. Aldymyzda – Danııa men Slovenııa. Al Fınlıandııa, Soltústik Irlandııa jáne San-Marıno quramalary artymyzdan syǵalap qaldy. Osy nátıje arqyly +52,07 upaıdy enshilegen jerlesterimiz FIFA reıtınginde besinshi orynǵa taban tiredi.
Otandyq aıaqdop sheberlerimiz Panama (+83,92 upaı), Moldova (+63,72), Malaızııa (+56,27) jáne Ekvatorlyq Gvıneıadan (+52,77) ǵana qalyp qoıdy. Odan keıingi satylarǵa Gaıana (+49,40), Aýstrııa (+48,86), Portýgalııa (+42,52), Kolýmbııa (+42,51) jáne Iаmaıka quramalary (+42,25) jaıǵasty.