ÝEFA-nyń resmı saıtynda jyl qorytyndysy boıynsha Eýropa qurlyǵynda eń úzdik dep tanylǵan komandalardyń reıtıngi jarııalandy.
Myqtylar tiziminde ataqty «Manchester Sıtı» kósh bastap tur. Rasynda da, olar ondaı qurmetke laıyq. Hosep Gvardıolanyń shákirtteri bıyl Anglııa Premer-lıgasy men Anglııa kýboginde, ÝEFA Chempıondar lıgasy men ÝEFA sýperkýboginde bas júldeni oljalady. Kúni keshe ǵana «MS» klýbtyq álem chempıonatynda top jardy. Ekinshi oryndy Mıýnhenniń «Bavarııasy» ıelense, Madrıdtiń «Realy» úshinshi satyǵa jaıǵasty. Sondaı-aq TOP-10-dyqqa «PSJ» (Fransııa), «Lıverpýl» (Anglııa), «Inter» (Italııa), «Leıpsıg» (Germanııa), «Chelsı» (Anglııa), «Manchester Iýnaıted» (Anglııa) jáne «Roma» (Italııa) syndy ataǵy alysqa jaıylǵan klýbtar endi.
Qazaqstandyq komandalar arasynda eń úzdik kórsetkish «Astanaǵa» tıesili. Elordalyq fýtbolshylar 103-oryndy ıelendi. Qostanaıdyń «Tobyly» 179 jáne Almatynyń «Qaıraty» 203-satyǵa taban tiredi. О́zge komandalarymyz mynadaı oryndarǵa turaqtady: «Shahter» (Qaraǵandy) – 362, «Aqtóbe» – 373, «Qyzyljar» (Petropavlovsk) – 374 jáne «Qaısar» (Qyzylorda) – 375.