Almaty qalalyq sotynda Rahat Turlyhanovtyń isi boıynsha sot otyrysy jabyq esik túrinde ótti, dep habarlaıdy Egemen.kz.
«Osy materıaldy qaraý barysynda, sot alqasy taǵaıyndalǵan jaza boıynsha, buryn jubaıyna birneshe ret qol kóterý deregi bolýyna baılanysty birinshi satydaǵy sot sheshimimen kelispedi. Almaty soty alqasynyń sheshimi boıynsha, Almaty Ákimshilik quqyq buzýshylyq isteri jónindegi mamandandyrylǵan aýdanaralyq sotynyń sheshimi ózgertildi», delingen sot habarlamasynda.
Sot alqasynyń qaýlysymen Turlyhanovqa qatysty jaza baptyń sanksııasy sheginde eskertýden 10 táýlikke ákimshilik qamaqqa alýǵa ózgertildi. Qaýly kúshine endi.
Eske salaıyq, buǵan deıin Almaty qalasynyń ákimshilik quqyq buzýshylyq isteri jónindegi mamandandyrylǵan aýdanaralyq soty Rahat Turlyhanovqa qatysty isti qaraýǵa qabyldaǵan.
Artynsha ánshi kinásin moıyndap, ákimshilik eskertý túrinde ákimshilik jazaǵa tartylǵan edi.
Keıinnen Rahat Turlyhanov pen jubaıy Altynaı bul jaǵdaıǵa qatysty pikir bildirdi.