Ulttyq testileý ortalyǵy UBT tapsyratyn 16 jastan asqan jáne 16 jasqa tolmaǵan túlekterden qandaı qujat suralatynyn aıtty, dep jazady Egemen.kz.
Ulttyq testileý ortalyǵynyń málimetinshe 16 jasqa tolǵan UBT tapsyrýshydan bir ǵana qujat talap etiledi. Ol tulǵanyń jeke basyn kýálandyratyn - jeke kýálik (pasport). Bitirýshi qujatyn eGov, Kaspi.kz jáne Halyk qosymshalary arqyly elektrondy formatta da usynýǵa quqyly.
Al UBT tapsyrý kezinde 16 jasqa tolmaǵan túlek týý týraly kýálik jáne kólemi 3h4 túrli tústi fotosy bar mektepten anyqtama alyp kelý kerek.
«Qujattarmen qosa, testileýge qatysýshylar ózderimen birge qalam, qajet bolǵan jaǵdaıda sý bótelkesi men shokolad kirgizýge ruqsat etiledi. Basqa zattardyń barlyǵyna tyıym salynǵan jáne olardy alyp kirýge tyrysý testileý erejelerin buzý bolyp sanalady. Jumys úshin paraqtar emtıhan ornynda usynylady», dedi Ulttyq testileý ortalyǵynyń dırektory Rýslan Emelbaev.
Ortalyq test tapsyrýshy UBT tapsyrǵanda yńǵaıly áreket etý úshin erkin kıim kııýge tyıym salynbaıtynyn da eske saldy.