Prezıdenttiń jylashar kezeńdegi suhbatynda elimizdiń 2023 jylǵy ishki jáne syrtqy basymdyqtardy qamtıtyn mańyzdy aspektilerin keńinen taldap, qorytyndylady.
Respýblıka boıynsha mektepterdiń, sonyń ishinde «Jaıly mektepterdiń» qurylysy bastalyp, aýyldarda densaýlyq saqtaý nysandarynyń boı kóterýi qýantady. Medısına qyzmetkerleriniń mektepte, kolledjde jáne balabaqshada jumys isteıtin pedagogterdiń jalaqysy ósti. Azamattardyń, eń aldymen, balalar men áıelderdiń qaýipsizdigin nyǵaıtý atap ótildi. Ulttyq qordan balalarǵa qarjy berý máselesin retteıtin zań kúshine endi. Elimizde jastardy qoldaýdyń mundaı aýqymdy is-sharasy el tarıhynda tuńǵysh ret qolǵa alyndy.
Memleket basshysy rýhanııatty damytýǵa erekshe kóńil bólip otyr. 2024 jyly elimizde Dúnıejúzilik kóshpeliler oıyndary ótetini atap ótildi. Bul is-shara ulttyq sport túrlerin keńinen nasıhattaýǵa ǵana emes, mádenı baılanysty nyǵaıtýǵa da septigin tıgizedi. Sondaı-aq tarıhı oqıǵalardy jáne Qazaqstan biregeıligin qalyptastyrýdaǵy tulǵalardyń rólin nasıhattaý qajet. Memleket basshysy kórnekti tarıhı tulǵalardy – belgili ǵalym Qanysh Sátbaevtyń 125 jyldyǵyn jáne batyrlar Saǵadat Nurmaǵambetov pen Rahymjan Qoshqarbaevtyń týǵanyna 100 jyl tolýyn atap ótý josparyn sóz etti. Suhbatta Qazaqstan tarıhy boıynsha ǵylymı-zertteý jumystary men kóptomdyq kitap shyǵarýdyń mańyzdylyǵy aıtyldy. Árıne, bul biregeı joba otandyq ǵalymdardyń qatysýymen atqarylatyn úlken, yjdaǵatty eńbekti qajet etedi.
Suhbat barysynda kásibı kadrlar men jastardyń róli týraly másele qozǵaldy. Memleket basshysy jastardyń áleýetine senim bildirip, jas kadrlardy qoldaýǵa baǵyttalǵan tabysty reformalardyń mańyzdylyǵyn atap ótti. Bul qadamdar memlekettik organdardyń jańarýyna, jastardyń qoǵamdyq ómirdegi belsendiligin arttyrýǵa tyń serpin beretini anyq.
Bolat TILEPOV,
Abaı atyndaǵy Qazaq ulttyq pedagogıkalyq ýnıversıtetiniń rektory