Túpqaraǵan aýdanyndaǵy Saıyn Shapaǵatov aýyly turǵyndarynyń sany artyp keledi. Sondyqtan atalǵan aýyldyq okrýgte halyq turmysyna qajetti nysandardy iske qosý kún tártibinde tur. Jýyrda el men jerdi jaýdan qorǵaǵan halyq batyry Súıinǵara Úrgenishbaıuly atyndaǵy jańa sport ǵımaraty paıdalanýǵa berilip, jergilikti turǵyndardy qýanyshqa keneltti.
«Súıinǵara batyr» sport kesheninde qazaqsha kúres, jekpe-jek, dzıýdo, kórkem gımnastıka, erkin kúres, toǵyzqumalaq, shahmat, zýmba jáne strıp plastıka syndy t.b. úıirmeler jumys isteıdi. Atalǵan is-sharaǵa qatysqan Mańǵystaý oblysy ákiminiń orynbasary Z.Esbergenova kópshilikti jańa nysannyń ashylýymen quttyqtap, óńirde sport salasyn damytý baǵytynda atqarylyp jatqan jumystarǵa toqtaldy.
– Jańadan ashylǵan «Súıinǵara» jekemenshik nysanynda balalar men jasóspirimderdiń sportpen shuǵyldanýy úshin barlyq jaǵdaı jasalǵan. Bul ǵımarat aýyldyń barlyq balalary úshin qoljetimdi bolady. Sondaı-aq sport kesheni iske qosylsa, aýyl sportynyń damýyna úlken septigin tıgizbek. El Prezıdenti Qasym-Jomart Toqaev ár Joldaýynda sportty damytý baǵytynda naqty atqarylýǵa tıis jumystardy aıtyp keledi. Osyndaı nysandardyń ashylýy óńirimizde júıeli jumystar júrgizilip jatqanyn kórsetedi, dedi Esbergenova.
О́z kezeginde aýyldyqtar rızashylyǵyn bildirip, jyly lebizderin jetkizdi.
– Búgin aýylymyzda jańa sport mektebi ashylyp jatqanyna óte qýanyshtymyz. Bizde myqty sportshylar bar. Aldaǵy ýaqytta osy jerde jattyqqan balalar ári qaraı úlken sportta jetistikke jeterine senemiz, deıdi aýyl turǵyndary.
Túpqaraǵan aýdanynda buqaralyq sportty damytý baǵytynda ózge de josparlar bar. Atap aıtsaq, aldaǵy ýaqytta Saıyn Shapaǵatov aýyldyq okrýginen 160 oryndyq sport kesheniniń qurylysyn salý jáne Qyzylózen aýylynan fýtzal salý kózdelip otyr.
Mańǵystaý oblysy