Keshe Memleket basshysy Qasym-Jomart Toqaev Úkimettiń keńeıtilgen otyrysynda elimizde qordalanǵan máselelerdi sheshý joldaryn atap kórsetti. Prezıdent basymdyq berip, sóz etken taqyryptar arasynda otandyq agroónerkásip kesheni men sý resýrstary salasy da bar.
«Aýyl sharýashylyǵyna bólinetin qarjyny barynsha, tipti múmkindik bolsa, eki ese arttyrý qajet. Oǵan bıýdjetten ǵana emes, basqa da qarjy kózderinen, sonyń ishinde ekinshi deńgeıli bankterden qarajat tartqan jón. Kóktemgi egis naýqanyna jáne kúzgi jıyn-teringe jeńildikpen beriletin nesıeni 1,5 trıllıon teńgege deıin arttyrý kerek. Al ınvestısııalyq jobalarǵa bólinetin jeńildetilgen nesıeni 800 mıllıard teńgege jetkizý qajet. Jeńildikpen lızıng berýge jyl saıyn keminde 450 mıllıard teńge bólinýge tıis. Sonda ár jyl saıyn aýyl sharýashylyǵy tehnıkasynyń 10 paıyzy jańaryp otyrady», dedi Memleket basshysy.
Buny aýyl sharýashylyǵy salasyna úlken qoldaý dep bilemin. Sonymen birge, Prezıdent salaǵa memlekettik qoldaýdy «bir tereze» qaǵıdasy arqyly júzege asyryp, profıldik qarjy ınstıtýttarynyń qyzmetterin biriktirý qajettigin aıtty. Sol maqsatta jeńildikpen nesıelendirý men sýbsıdııalaýdy bir sıfrlyq platformanyń sheńberinde biriktirý qajet ekendigin atap ótti. Bul usynys búginde óte ózekti jáne «Aýyl» partııasy kópten beri kóterip júrgen «Agrobank» qurý jónindegi máselemen úndes.
Búginde elimizde agroónerkásip keshenin «Báıterek» holdınginiń enshiles qurylymdary «Agrarlyq nesıe korporasııasy» men «QazAgroQarjy» qarjylandyrady. Sharýalar kóbine osy uıymdar arasynda sabylyp, kóktemgi egin jáne kúzgi jıyn kezindegi altyn ýaqyttaryn qarjylandyrý máselesin sheshý úshin sarp etedi. Al osy máselelerdi sheshýde «Agrobank» syndy bir ǵana mekemeniń tóńiregine shoǵyrlandyrylsa, Prezıdent aıtqan «bir tereze» qaǵıdaty ońtaıly júzege asqan bolar edi. Biz «Aýyl» partııasy «Agrobank» qurý boıynsha ustanymymyzdy buǵan deıingi Úkimetke ashyq jetkizgen bolatynbyz. Jańa Úkimetke de usynatyn bolamyz. Bul – tek bizdiń ǵana saıası ambısııamyz emes, myńdaǵan fermerdiń tilegi.
«Aýyl» partııasynyń negizgi maqsat-mindeti – aýyl sharýashylyǵy men aýyldyq eldi mekenderdi damytýǵa baǵyttalǵan. Sondyqtan da Memleket basshysynyń Úkimet aldyna qoıǵan tapsyrmalaryn tolyq qoldaıdy. О́ıtkeni Prezıdenttiń jańa Úkimetke belgilep bergen baǵyty aıqyn, baǵdary nyq, talap-tapsyrmalary da naqty bolyp otyr.
Serik EGIZBAEV,
«Aýyl» partııasynyń tóraǵasy, Májilis depýtaty, partııa fraksııasynyń jetekshisi