Sıfrlaný – ozyq eldiń ólshemi

Biz memlekettik qyzmetterdi sıfrlandyrýdy, bank sala­syn­daǵy jetistikterimizdi maq­tan tutamyz, sheteldikterge bank kartasyn nemese júr­gizý­shi kýáligin alýdyń qarapa­ıym­dylyǵymen maqtanamyz. Alaıda kóp salada tolyqqan­dy sıfrlyq transformasııa júrgizilgen joq.

Bıýdjettik jáne fıskaldyq úderisterdi tolyǵymen sıfr­landyrý olardy barynsha ashyq, meılinshe bıýrokra­tııa­dan aryltýǵa jol ashady. Bıýdjet kodeksiniń jobasy jáne Salyq kodeksin talqylaý tá­jirıbesi úderis­terdi to­lyq sıfrlandyrý sybaılas jemqorlyq táýekelderi, ten­derler ótkizý kezinde zań buzýshylyqtar, ádiletsiz salyq salý sekildi kóptegen máseleni joıýǵa kómektesetinin kórsetti.

Sybaılas jemqorlyq, salynǵan ınvestısııa tıimdi­liginiń tómendigi, josparly kórsetkishterge qol jetkize almaý, ásirese sıfrlandyrý deńgeıi mardymsyz aýyl sharýashylyǵy, sýdy paıdalaný jáne ekologııa, energetıka salalarynda jıi bolatynyn kórip otyrmyz.

Prezıdent aýyl sharýashy­lyǵyn sýbsıdııalaýǵa bıýdjetten qomaqty qarajat bólý jos­parlanyp otyrǵanyn aıtty. Degenmen, bul aqsha qara­ba­ıyr sýbsıdııalarǵa, mysaly, janarmaı satyp alýǵa emes, osy otyndy únemdeýge múm­kindik beretin tehnologııalardy engizýdi sýbsıdııalaýǵa jumsalýy kerek. Mınıstrlikke otandyq ınnovasııalardy, jańa, serpindi tehnologııalardy engizý úshin óz salasyna sýbsıdııa bólý múmkindigin berý qajet. Bul ekonomıkaǵa jańa serpin berip, eldegi ǵy­lymdy kommersııalandyrý úderis­terin alǵa jyljytady.

Úkimettiń keńeıtilgen otyrysynda Prezıdent atap ótken min­det­terden ekonomıkany ke­­shen­­di túrde yryqtandyrý úshin jú­­ıeli sharalar qabyldaý, eko­­no­mı­­kany sıfrlandyrý isin jal­ǵa­styrý jáne jasandy ın­­tellekt tehnologııasyn keńi­­nen qoldanýǵa basymdyq be­­ril­genin ańǵardyq. О́ıtkeni qa­ra­­paıym ha­lyqtyń tabysyn art­­­tyrý jáne ulttyq baılyqty ádil bólý­ge qol jetkizýge osy is-sha­­­ra­lar arqyly jete alamyz. Bul – ekonomıkamyzdy jańa deń­­­geıge kóterip, shıki­zat táýel­di­­li­­gi­nen aryltatyn mańyzdy qural.

Erkin ÁBIL,

Májilis depýtaty