Memleket basshysynyń tóraǵalyǵymen ótken Úkimettiń keńeıtilgen otyrysynda jańadan qurylǵan Úkimetke negizgi 10 máseleni júzege asyrýǵa baılanysty tapsyrma berildi. Onyń basym bóligi tikeleı elimizdiń ekonomıkasyn damytýǵa baǵyttalǵan.
Aıta ketsek, salyq jáne bıýdjet salasyn reformalaý, ınvestısııaǵa qolaıly jaǵdaı jasaý, ekonomıkany keshendi túrde yryqtandyrý, óndiristi jáne agroónerkásip keshenin damytý, kommýnaldyq-energetıka, kólik-logıstıka, memlekettik satyp alý, qurylys, ekonomıkany sıfrlandyrý jáne jasandy ıntellekt tehnologııasyn keńinen paıdalaný. Kóterilgen máselelerdi sheshý úshin Ekonomıkany yryqtandyrý týraly Jarlyq daıyndaýdy, Ulttyq ınfraqurylym qujatyn qaıta qaraýdy, Qala qurylysy týraly kodeks jobasyn jetildirý, Salyq kodeksin ázirleý sııaqty jáne taǵy basqa da kóptegen tapsyrma aıtylyp, naqty joldary, baǵyt-baǵdary kórsetildi. Qoıylǵan mindetterdi oryndaý úshin Úkimetke de, ákimdikterge de tıisti quzyretter berilgen.
Prezıdent endigi kezekte bıýrokratııany toqtatyp, jumys isteý tásilin túbegeıli ózgertip, júıeli ustanym men jedel sheshimder qabyldaý kerektigin atap ótti. Ekonomıkamyzdy ártaraptandyryp, otandyq kásipkerlerimizge jáne ınvestorlarǵa jaǵdaı jasap, birlesip, tyǵyz baılanysta jumys isteý qajet. Sonda ǵana el ekonomıkasy damyp, kóterilgen máseleler óz sheshimin tabatynyna senimdimin.
Amangeldi TOLAMISOV,
Senat depýtaty