Jumys barysyndaǵy júıeli ustanym, bıýrokratııany toqtatý, naqty nátıjeli is, qajetsiz shyǵyndardy qysqartý, bızneske ákimshilik qysymdy azaıtý, salyq júıesin tolyq sıfrlandyrý – Memleket basshysynyń Úkimettiń keńeıtilgen otyrysynda bergen naqty tapsyrmalary.
Osy oraıda jańa Salyq kodeksin ázirleý, Májiliste qaralyp jatqan memlekettik satyp alý zańnamasy jobasyn jetildirý, ásirese qurylys kompanııalaryna qatysty talapty kúsheıtý el ekonomıkasynyń damýyna tyń serpin berip qana qoımaı, qoǵamdaǵy áleýmettik qysymdy azaıtary sózsiz.
Aqtóbe oblysy Ardagerler keńesi músheleri Memleket basshysynyń Úkimetke qoıǵan tapsyrmalaryn aýdandyq jáne bastaýysh salalyq ardagerler uıymdarynda ótken kezdesýlerde talqylap, usynystardy nazarǵa alyp otyrmyz. Úkimetke júktegen mindetter el azamattarynyń turmys-tirshiligin jaqsartýǵa áserin tıgizedi. Sonyń ishinde aýyl sharýashylyǵymen aınalysatyn shaǵyn qojalyqtardyń memlekettik sýbısıdııalaýǵa qol jetkize alýy, avtokólik joldarynyń jaqsarýy – Aqtóbe oblysy turǵyndarynyń negizgi talap-tilegi.
Bul jerde Prezıdent atap kórsetken árbir mamannyń jumysqa degen joǵary jaýapkershiligi, bıýrokratııaǵa jol bermeýi asa mańyzdy. Qolda bar resýrstardy tıimdi de, maqsatty túrde jumsaı alsaq, ekonomıkadaǵy jaqsy ózgeristerdi árbir el azamaty tez arada sezineri sózsiz.
Serik ShAŃǴUTOV,
Aqtóbe oblysy Ardagerler keńesiniń tóraǵasy
AQTО́BE