Almaty oblysy Tótenshe jaǵdaılar departamenti Eńbekshiqazaq aýdanynyń Qaraturyq aýylynda úsh adam ystan ýlanyp aýrýhanaǵa túskenin habarlady dep jazady Egemen.kz vedomstvonyń baspasóz qyzmetine silteme jasap.
«Myńbaev kóshesi boıynda jeke turǵyn úıde qatty otynmen peshti paıdalaný erejelerin buzǵandyqtan (peshtiń aqaýy) kómirtegi totyǵymen ýlanyp, aýrýhanaǵa jatqyzylǵandyǵy týraly habarlama kelip tústi.
Úı ıesi 1974 jyly týǵan (jaǵdaıy aýyr) jáne onyń 2009 jáne 2010 jyly týǵan qyzdary kómirtegi totyǵymen ýlanǵan (ekeýinde de ortasha aýyrlyq dárejesi bar).
Oqıǵa ornyna Almaty oblysy TJ departamentiniń qyzmetkerleri men tehnıkteri bardy» , delingen aqparatta.
Oblystyq tótenshe jaǵdaılar departamenti mamandary turǵyndarǵa qatty otynmen jaǵylatyn peshti paıdalaný maýsymynda qaýipsizdik erejesin qatań saqtaýǵa úndedi.