Memleket basshysy Q.Toqaev bastaǵan saıası reforma qarqyn alyp, tereń ekonomıkalyq qaıta qurýlardyń alǵyshartyna aınaldy. Konstıtýsııalyq reformanyń áleýeti artyp, Qazaqstannyń, shyn məninde, ádiletti memleketke aınalýyna kepildik berip otyr. О́ıtkeni Ata Zańymyz sóz erkindigin, pikir bildirý quqyǵyn jəne din bostandyǵyn, sondaı-aq etnostyq jáne saıası ərtúrlilik pen azamattyń jeke bas bostandyǵyn qamtamasyz etýdi kózdeıdi.
Reformanyń ereksheligi onyń adamnyń sanasymen tikeleı baılanystyryla júrgizilýinde. Sebebi osylaı ǵana qoǵamdy tez qarqynmen damytyp, syrtqy teris yqpaldardan qorǵap, ony saıası-áleýmettik turǵyda jan-jaqty kemeldendirýge múmkindik bermek. Ekonomıkaǵa basymdyq bergen burynǵy damý qaǵıdaty qoǵamdyq sananyń damýyn turalatyp, ashyqtyq pen jarııalylyqqa jol ashatyn kúshti azamattyq qoǵam, ádil saıası básekelestik, sot júıesi derbestiginiń qalyptasýyna kedergi jasady. Ekonomıkalyq reformanyń alǵysharty saıası reforma ekendigine onsha mán berilmegendikten zań ústemdigi ornyǵyp, demokratııalyq ınstıtýttar tolyqqandy jumys isteı almaı qaldy. О́ıtkeni ekonomıkalyq júıedegi monopolııanyń negizi saıası júıedegi monopolııada jatqan bolatyn. Demek ádiletti Qazaqstandy saıası reformalardy keńeıtý negizinde ǵana qurýǵa bolatyndyǵyna jáne demokratııany tek tıisti ınstıtýttardyń tolyqqandy jumys isteýi arqyly birtindep qalyptastyrýǵa bolatynyna Prezıdenttiń kózi jetti.
Qazaqstan burynǵy sýperprezıdenttik basqarý júıesinen bas tartyp, memlekettik basqarýdyń «kúshti Prezıdent – yqpaldy Parlament – esep beretin Úkimet» formýlasyna negizdelgen prezıdenttik basqarý men halyqtyń únine qulaq asatyn ádiletti memleket qurýǵa kóshti. Prezıdent Úkimetke jańasha talap qoıdy. Ondaǵy maqsat – endigi jerde búkil bıliktiń tek prezıdenttiń qolyna shoǵyrlanýyna jol bermeý, bıliktiń tarmaqtaryn qaýqarsyz, dármensiz, solqyldaq jáne sharasyz etip, Prezıdenttiń aýzyna qaratyp qoımaı, olardyń halyqqa adal eńbek etip, memlekettegi bolyp jatqan jaǵdaıdyń barlyǵyna jaýapkershilikti óz moınyna alatyndaı jaǵdaıǵa qol jetkizý.
Prezıdenttiń qoǵamda zań ústemdigi men tártip ornatýǵa baǵyttalǵan is-áreketteri óz jemisin bere bastady. Saıası saladaǵy ózgeristerdiń basty baǵyttarynyń barlyǵy quqyqtyq sıpatqa ıe bolyp, resimdelip, zańdyq kúshine enip, qoǵamdyq ómirdiń aǵymyn aıqyndady. Quqyq qorǵaý júıesinde úlken ózgerister oryn alyp, elimizde «zań men tərtip» qaǵıdatynyń ornyǵýy baǵytynda tıisti qadamdar jasalyp jatyr. Endi qoǵamdy ishinen iritetin, adamgershilikke jat qylyqtardy aqtaýdy kózdeıtin kez kelgen əreketter men quqyqtyq nıgılızmge tutas el bolyp tosqaýyl qoıýǵa bet alyp, ulttyq qundylyqtardyń aıaqasty bolýyn qatań aıyptap, onymen birlese kúresýdiń qajettiligi týyndap otyr.
Parlament pen məslıhattar jumysynyń tıimdiligi artty. Ákimderdiń tikeleı saılanýy jergilikti bıliktiń qalyptasý təsilin túbegeıli jańartty. Aýyl, aýdan əkimderiniń halyq aldyndaǵy jaýapkershiligi arta tústi. Demek osyndaı júıeli jáne birizdi jumystyń arqasynda konstıtýsııalyq reforma naqty qolǵa alynyp, konstıtýsııalyq normalar kúshine enip, saıası reformalar óz jemisin bere bastady. Nátıjesinde, kóppartııalyq júıe, parlamenttik plıýralızm men oppozısııa, aralas saılaý júıesi, Konstıtýsııa kepildik bergen joǵary bıliktiń aýyspalylyǵy bir júıege keltirilip, qoǵamdyq ómirde jumys isteıtin saıası mehanızmderge aınaldy. Osylaısha, azamattardyń saıası ómirge belsendi aralasý úshin quqyqtyq kepildeme berilip, qoǵam músheleri respýblıkanyń saıası ómirine qatysý jəne barlyq deńgeıde sheshimder qabyldaýǵa óz úlesin qosýǵa múmkindik aldy. Qoǵamdyq ómirdi jańartýǵa jańa saıası júıeniń qalyptasýy óz áserin tıgizip jatyr. Saıası reformalar halyqtyń ál-aýqatyn jaqsartýǵa baǵyttalyp, memlekettiń ekonomıkada batyl qadamdar jasaýyna yqpal etip keledi. Ekonomıkany ərtaraptandyrý jəne monopolııadan arylý barysynda áleýmettik salada qordalanyp qalǵan məseleler birtindep sheshile bastady. Endi halyq osy úderisti qoldap, Qazaqstannyń memlekettiligin nyǵaıtyp, onyń órkendeýine naqty úlesin qosýy qajet.
Sonymen Qazaqstan eski júıeden bas tartyp, saıası reformalar qarqyndy ǵana emes, eshqashan keri qaıtpaıtyn túbegeıli sıpatqa ıe bola bastady. Ulttyń saıası sana-sezimi túbegeıli ózgerip keledi. Q.Toqaevtyń suhbaty jurttyń kópten kútken suraqtaryna jáne halyqtyń kókeıindegi qordalanǵan máselelerge jaýap berdi. Qazirgi saıası bılik pen eski júıe arasyndaǵy qaıshylyq týdyrǵan problemalar egjeı-tegjeı saraptaldy. Zań men tərtip ústemdigin ornatý memlekettik saıasattyń negizine aınaldy. Endeshe, Prezıdenttiń júrgizip jatqan saıası reformalary ádiletti Qazaqstandy quryp, ony ozyq elge aınaldyrýǵa baǵyttalǵan bastamasynyń durystyǵy men onyń taǵdyrsheshti tańdaý ekenin kórsetse kerek.